သက်သောင့်သက်သာ ဖြစ်မှု

ဆူညံသံ စမ်းသပ်ချက်

အတွင်းအပြင် စက်များကို ဖွင့်ထားစဉ် ထွက်ပေါ်သည့်ဆူညံသံကို ပဲ့တင်သံကင်းမဲ့သော အခန်းတစ်ခုထဲတွင် တိုင်းတာသည်။ စက်ကို ဖွင့်ထားချိန်တွင် အသုံးပြုသူက သက်တောင့်သက်သာ စကားပြောနိုင်စေရန်၊ သက်တောင့်သက်သာ အိပ်စက်နိုင်စေရန် စက်သံသည် လုံလောက်စွာ တိုးတိတ်မှုရှိမရှိ စမ်းသပ်ခြင်းဖြစ်သည်။

ပတ်ဝန်းကျင်အနေအထား စမ်းသပ်ချက်

အမှန်တကယ်အသုံးပြုမည့် လေအေးပေးစက်ကို သာမန်ပုံစံဧည့်ခန်းကဲ့သို့ စမ်းသပ်ခန်းတစ်ခုတွင် ဖွင့်လိုက်သည်။ အအေးပေးသည့်နှုန်း၊ အအေးပေးနိုင်မှုစွမ်းရည်၊ အပူချိန်နှင့် စိုထိုင်းဆ ကွဲပြားချက်များစသော လက္ခဏာရပ်များကို တိုင်းတာနေစဉ် ပြင်ပမှ အခန်းတွင်းသို့ ဝင်ရောက်လာသော နေရောင်ခြည်ပမာဏကဲ့သို့သော အခြေအနေများပါ ထည့်တွက်ထားပါသည်။ဤနည်းဖြင့် လေအေးပေးစက်သည် အခါမလပ်ပြောင်းလဲနေသော အခြေအနေများအောက်တွင် ၎င်း၏ လုပ်ဆောင်ချက်များကို အကောင်းမွန်ဆုံးအဆင့်ဖြင့် လုပ်ဆောင်နိုင်ခြင်းရှိမရှိ အတည်ပြုနိုင်စေသည်။

EMC (လျှပ်စစ်သံလိုက်လှိုင်းပမာဏ သင့်တော်မှု) စမ်းသပ်ချက်

ဤစမ်းသပ်ချက်သည် စက်ဖွင့်ထားချိန်အတွင်း ထွက်လာသော လျှပ်စစ်သံလိုက်လှိုင်းများသည် အခြားပစ္စည်းများကို အနှောင့်အယှက်မပေးစေရန်နှင့် နိုင်ငံတိုင်းရှိ EMC လိုက်နာမှုစံနှုန်းများနှင့် ကိုက်ညီမှုရှိစေရန် လုံလောက်သော ပမာဏအထိ လျှော့ချထားခြင်းရှိမရှိ စစ်ဆေးခြင်းဖြစ်သည်။

အဝေးထိန်းခလုတ်ကို အသုံးပြုနိုင်မှု စမ်းသပ်ချက်

အဝေးထိန်းခလုတ်သည် နေ့စဉ် အသုံးပြုနေသော ပစ္စည်းတစ်ခုဖြစ်သောကြောင့် ၎င်းကို အကောင်းမွန်ဆုံး အသုံးပြုနိုင်စေရန် Panasonic က လုပ်ဆောင်ထားသည်။ ခလုတ်အရောင်များ၏ မြင်သာမှု၊ အသုံးပြုရလွယ်ကူမှုနှင့် အခြားသော အချက်များကို အကဲဖြတ်ရန် စမ်းသပ်ချက်များစွာကို လုပ်ဆောင်ထားသည်။ ထို့အပြင် ပုံမှန်အသုံးပြုစဉ်အတွင်း အဝေးထိန်းခလုတ်သည် အလွယ်တကူ လွတ်ကျနိုင်သောကြောင့်၊ ၎င်းကို 1.5 မီတာမှ လွှတ်ချ၍လည်း စမ်းသပ်ခဲ့သည်။ ထောင့်ပေါင်းစုံမှ ပြုတ်ကျသည့်တိုင် ၎င်းသည် ပျက်စီးမှုမရှိကြောင်း သေချာအောင် စမ်းသပ်ခြင်းဖြစ်သည်။