လူ့စွမ်းအားရင်းမြစ်များအတွက် အခြေခံ ချဉ်းကပ်နည်း

ဝန်ထမ်းများ တိုးတက်ရေး

"လူသားတို့သည် လုပ်ငန်း၏ အခြေခံအုတ်မြစ်ဖြစ်သည်။ ထုတ်ကုန်ပစ္စည်းများ မထုတ်လုပ်မီ လူသားတို့ကို အရင် တိုးတက်အောင်လုပ်ပါ။" လုပ်ငန်း၏ သမိုင်းတစ်လျှောက်တွင် ထိုဒဿနအပေါ် အခြေခံ၍ လူသားအရင်းအမြစ်ဖွံ့ဖြိုတိုးတက်မှုကို စဉ်ဆက်မပြတ် ဦးစားပေးခဲ့ပါသည်။ လူသားအရင်းအမြစ် မူဝါဒ၏ အရေးကြီးဆုံးအချက်မှာ အားလုံးပါဝင်ဆောင်ရွက်နိုင်သော စီမံခန့်ခွဲမှုဆိုင်ရာ စည်းမျဉ်းစည်းကမ်းများ၊ စွမ်းဆောင်ရည်ကို အခြေခံသော တန်ဖိုးဖြတ်ဆန်းစစ်မှုများနှင့် ဝန်ထမ်းများအား လေးစားမှု စသည်တို့ကို အရင်းခံသည့် အစပျိုးဆောင်ရွက်ချက်များမှ တဆင့် ကုမ္ပဏီနှင့် ဝန်ထမ်းများအကြား နှစ်ဦးနှစ်ဖက်အကျိုးရှိသော ဆက်ဆံရေးမျိုးကိုတည်ဆောက်ရန်ဖြစ်ပါသည်။ အချုပ်အနေဖြင့် ကျွန်ုပ်တို့သည် လုပ်ငန်းစွမ်းဆောင်ရည်ကို အစဉ်တစိုက် တိုးတက်အောင်လုပ်ဆောင်ပြီး တချိန်တည်းမှာပင် ဝန်ထမ်းများအတွက် ၎င်းတို့၏ အလုပ်မှတဆင့် ၎င်းတို့လိုအပ်ချက်များ ပြည့်စုံမှုရရှိစေရေးဟူသည့် ဦးတည်ချက်နှစ်ရပ်ကို လုပ်ဆောင်နေသည်ဟု ဆိုလိုပါသည်။ ၎င်းသည် ပိုမိုပြီးပြည့်စုံသော လုပ်ငန်းခွင်ပတ်ဝန်းကျင်ကို ဖြစ်ပေါ်စေသည့် Panasonic ၏ ဝန်ထမ်းများအား ဖော်ရွေပျူငှာအောင်ပြုလုပ်ခြင်း အကြောင်းပင်ဖြစ်ပါသည်။

ဝန်ထမ်းများအား သင်တန်းပေးခြင်းနှင့် ဖွံ့ဖြိုးတိုးတက်အောင် လုပ်ဆောင်မှု

လူ့စွမ်းအားရင်းမြစ် ဖွံ့ဖြိုးတိုးတက်မှု

"စီးပွားရေးလုပ်ငန်းတစ်ခု၏ အောင်မြင်မှုသည် ဝန်ထမ်းများအပေါ်တွင် မူတည်သည်" ဟူသည့် စကားရပ်မှ ဖော်ပြထားသည့်အတိုင်း လုပ်ငန်းတစ်ခု၏ ဖွံ့ဖြိုးမှုနှင့် တိုးတက်မှုတို့ကို ဝန်ထမ်းများ၏ ဖွံ့ဖြိုးတိုးတက်မှု မရှိဘဲ လက်တွေ့အကောင်အထည်ဖော်နိုင်မည်မဟုတ်ပါ။ နေ့စဉ် စီမံခန့်ခွဲမှုမှ တဆင့် လူသားအရင်းအမြစ် ဖွံ့ဖြိုးတိုးတက်မှုကို ဆောင်ရွက်သင့်ပြီး ၎င်းသည် မန်နေဂျာများ၏ အရေးကြီးဆုံးလုပ်ဆောင်ရန်တာဝန်များထဲမှ တစ်ခုဖြစ်ပါသည်။

အခြားသူများကို တီထွင်ဆန်းသစ်မှုများပြုလုပ်စေရန်အတွက် မန်နေဂျာများသည် တီထွင် ဆန်းသစ်မှုများကို မိမိကိုယ်တိုင် အစပြုလုပ်ဆောင်ပြရမည်ဖြစ်ကြောင်း မှတ်သားထားရပါမည်။ ဝန်ထမ်းများ၏ အရည်အသွေး ပိုမိုတိုးတက်စေရန်နှင့် ၎င်းတို့၏ တစ်ကိုယ်ရေတိုးတက်မှုကို လှုံ့ဆော်ပေးရန် လူ့စွမ်းအားရင်းမြစ် ဖွံ့ဖြိုးတိုးတက်မှုကို သင့်လျော်သလို လုပ်ဆောင်ရန် အရေးကြီးပါသည်။

ထို့ကြောင့် Panasonic သည် ၎င်း၏ "လူ့စွမ်းအားရင်းမြစ် မူဝါဒ" ကို ၁၉၅၇ ခုနှစ်တွင် သတ်မှတ်ခဲ့ပြီး ယင်းတွင် "လူ့စွမ်းအားရင်းမြစ်ဖွံ့ဖြိုးတိုးတက်မှု၏ အခြေခံရည်ရွယ်ချက်"၊ "Panasonic အုပ်စုဝင် ဝန်ထမ်းအားလုံးအတွက် လိုအပ်ချက်များ" နှင့် "မန်နေဂျာများအတွက် အခြေခံလမ်းညွှန်ချက်များ" ပါဝင်ပါသည်။ ဤမူဝါဒများကို ကမ္ဘာအနှံ့တွင် အသုံးချရန် ပို၍ နားလည်လွယ်သော စကားစုများအသုံးပြုထားသော အခြေခံဒဿနပါဝင်ပြီး ပိုမိုတိကျသော "လူ့စွမ်းအားရင်းမြစ်များ ဖွံ့ဖြိုးတိုးတက်မှု မူဝါဒ" ကို ချမှတ်ခဲ့ပါသည်။ ဝန်ထမ်းအားလုံး တိုးတက်မှုကို မြှင့်တင်ရန်နှင့် တစ်ကိုယ်ရေတိုးတက်မှုကို အထောက်အကူဖြစ်စေသည့် လုပ်ငန်းခွင်အခြေအနေကို ဖန်တီးရန် လူ့စွမ်းအားရင်းမြစ်မူဝါဒကို Panasonic ရှိ ဝန်ထမ်းအားလုံးနှင့်အတူ မျှဝေထားပါသည်။

လူ့စွမ်းအားရင်းမြစ် ဖွံ့ဖြိုးတိုးတက်မှု မူဝါဒ (ကောက်နုတ်ချက်)

၁။ လူ့စွမ်းအားရင်းမြစ်များ ဖွံ့ဖြိုးတိုးတက်မှု၏ အခြေခံရည်ရွယ်ချက်
ဝန်ထမ်းများအနေဖြင့် ဒဿနကို အခြေခံပြီး မိမိတို့၏ တာဝန်များကို ကြိုးစား ဆောင်ရွက်စေရန် Panasonic ၏ စီမံခန့်ခွဲမှုဆိုင်ရာ ဒဿန (BBP) ကို အားလုံး သေချာနားလည်အောင် ပြုလုပ်ရန်ဖြစ်ပြီး အထူးသဖြင့် အောက်တွင် ဖော်ပြထားသည့်အတိုင်း "Panasonic အုပ်စုဝင် ဝန်ထမ်းအားလုံးအတွက် လိုအပ်ချက်များ" ကို ကျင့်သုံးရန် ဝန်ထမ်းများအား ပိုမိုတိုးတက်အောင်လုပ်ဆောင်ပေးရန်

၂။ Panasonic အုပ်စုဝင် ဝန်ထမ်းအားလုံးအတွက် လိုအပ်ချက်များ
အောက်ပါအချက်များသည် Panasonic အုပ်စုဝင် ဝန်ထမ်းများအားလုံး ဖြည့်ဆည်းသင့်သည့် လိုအပ်ချက်များ ဖြစ်ပါသည်။ ဝန်ထမ်းများအားလုံးအနေဖြင့် ဤအချက်ကို လမ်းညွှန်ချက်အဖြစ်အသုံးပြုရန်နှင့် အနာဂတ်ဖွံ့ဖြိုးတိုးတက်မှုအတွက် ကြိုးစားဆောင်ရွက်ကြရန် မျှော်လင့်ထားပါသည်။

၁ ကျွန်ုပ်တို့၏ စီမံခန့်ခွဲမှုဆိုင်ရာ ဒဿနကို ကျင့်သုံးရန်
၂ စိန်ခေါ်သည့် စိတ်ဓာတ်ကို အမြဲပြသရန်
၃ အမြဲမပြတ်စဉ်းစားတွေးခေါ်ပြီး ဖန်တီးတီထွင်သည့်နည်းလမ်းများဖြင့် ဆောင်ရွက်ရန်
၎ မတူကွဲပြားမှုကို လေးစားပြီး အားလုံးပါဝင်ဆောင်ရွက်ရန်
၅ တစ်ကမ္ဘာလုံးအတွက် စိတ်ထဲထည့်ပြီး ဆောင်ရွက်ရန်

၃။ မန်နေဂျာများအတွက် အခြေခံ လမ်းညွှန်ချက်များ
"ထုတ်ကုန်ပစ္စည်းများ မပြုလုပ်မီ လူသားတို့ကို အရင် ဖွံ့ဖြိုးတိုးတက်အောင်လုပ်ရန်" ဟူသော အချက်အတိုင်း အောက်ပါတို့သည် မန်နေဂျာများအနေဖြင့် ဖြည့်ဆည်းရမည့် အခြေခံ လမ်းညွှန်ချက်များ ဖြစ်သည်။

၁ ခိုင်မာသော ယုံကြည်မှုများကို အခြေခံပြီး ရှင်းလင်းပြတ်သားသော ခေါင်းဆောင်မှုကို ပြသရန်
၂ ဝန်ထမ်းများအား ၎င်းတို့၏ အလားအလာကောင်းများကို ဖြည့်ဆည်းခွင့်ပေးသော အဖွဲ့အစည်းနှင့် ယဉ်ကျေးမှုတစ်ရပ် ဖန်တီးရန်
၃ အခြားသူများအား မိမိကိုယ်မိမိ တိုးတက်အောင်လုပ်ဖို့ တိုက်တွန်းရန်
၎ စိန်ခေါ်မှုအသစ်များကို ရင်ဆိုင်ပြီး ပန်းတိုင်များရောက်ရှိအောင် ဆောင်ရွက်ရေး အခွင့်အလမ်းများ ပံ့ပိုးပေးရန်
၅ မတူကွဲပြားမှုကို တန်ဖိုးထားပြီး လေးစားမှုရှိသော လုပ်ငန်းခွင်ကို ဖန်တီးရန်
၆ ဝန်ထမ်းများ၏ ကြိုးစားအားထုတ်မှုများကို အလေးထားရန်
၇ ကြံ့ခိုင်သော စီမံခန့်ခွဲမှု / ဝန်ထမ်းဆက်ဆံရေးကို တည်ဆောက်ရန်