အရင်းအမြစ်များအား ပြန်လည်အသုံးပြုရေး ကနဦးခြေလှမ်းသည် ကုန်ထုတ်လုပ်နေမှုကို ပြောင်းလဲစေသည်

Panasonic သည် သက်တမ်းကုန်ဆုံးသွားသော အိမ်သုံးပစ္စည်းများအား ပြန်လည်အသုံးပြုနိုင်မည့် ပစ္စည်းအဖြစ် ပြောင်းလဲပေးသည်

Panasonic သည် ကုန်ပစ္စည်းများ၏ သက်တမ်းကုန်ဆုံးမည့် အဆင့်ကို ကြိုတင်မှန်းဆ၍ ၎င်း၏ ကုန်ထုတ်လုပ်မှုလုပ်ငန်းစဉ်ကို ပြောင်းလဲကာ “ပြန်လည်အသုံးပြုနိုင်ရန် ရည်ရွယ် ထုတ်လုပ်မှု” ကို အကောင်အထည်ဖော် ဆောင်ရွက်လျက် ရှိပါသည်။ စွန့်ပစ်ပစ္စည်းနည်းပညာ တဖြည်းဖြည်း တိုးတက်လာသည်နှင့်အမျှ ၎င်း၏အန္တိမ ရည်မှန်းချက်မှာ ဖို့မြေအဖြစ် အမှိုက်ပုံများတွင် စွန့်ပစ်ထားသော သံ၊ ကြေးနီနှင့် ပလတ်စတစ်များကို ထုတ်ကုန်အသစ်ထုတ်လုပ်မှုအတွက် တန်ဖိုးအရှိဆုံး အရင်းအမြစ်များအဖြစ်သို့ အသွင်ပြောင်းရန်ဖြစ်သည်။  

မည်သည့် ပစ္စည်းကိုမျှ စွန့်မပစ်ရမည့် “စွန့်ပစ်ပစ္စည်းများ လျှော့ချပြီး ရင်းမြစ်များကို ပြန်လည်ဖန်တီး အသုံးချရေး စီမံကိန်း” သို့ တစ်ကမ္ဘာလုံး ဦးတည်ရွေ့လျားလာသည်နှင့်အမျှ ပလတ်စတစ်ပပျောက်ရေးအတွက် ထောက်ခံမှုများတိုးပွားလာသည်။ အိမ်သုံး အီလက်ထရောနစ်ပစ္စည်းများကို သတ္တု၊ ဖန်သားနှင့် ပလတ်စတစ်တို့ဖြင့် ပြုလုပ်ထားသည်။ ၎င်းပစ္စည်းများကို အလွယ်တကူ စွန့်ပစ်ရုံ မပြုလုပ်ဘဲ ပြန်လည်ဆယ်ယူပြီး ပြန်လည်အသုံးပြုရန် ဖိအားများ တိုးပွားလာသည်။ Panasonic အနေဖြင့် သက်တမ်းကုန်ဆုံးသွားသော အိမ်သုံးပစ္စည်းများမှ တန်ဖိုးရှိသောအရင်းအမြစ်များကို ထိရောက်မှုရှိစွာ ပြန်လည်ဆယ်ယူရန်နှင့် ပြန်လည်အသုံးပြုရန်အတွက်သာမက ထုတ်လုပ်သည့် ပစ္စည်းများအဖြစ် အသွင်ကူးပြောင်းနိုင်ရန် နည်းပညာများ၊ ကုန်ထုတ်လုပ်မှုနည်းလမ်းများနှင့် ကိရိယာများကို အဆင့်မြှင့်တင်ခဲ့ပြီးဖြစ်သည်။

ပြန်လည်အသုံးပြုနိုင်ရန် ရည်ရွယ် ထုတ်လုပ်ရာတွင် ရည်မှန်းချက် နှစ်ခုရှိသည်။ တစ်ခုမှာ သွင်းအားစု အရင်းအမြစ်များကို လျှော့ချခြင်းနှင့် ပြန်လည်အသုံးပြုသော အရင်းအမြစ်များကို တိုးမြှင့်ခြင်းဖြစ်သည်။ ဒုတိယတစ်ခုမှာ ကုန်ထုတ်လုပ်မှုလုပ်ငန်းများမှ ထွက်ရှိသော စွန့်ပစ်ပစ္စည်းများ၏ နောက်ဆုံးစွန့်ပစ်မှုပမာဏကို သုညအထိလျှော့ချရန် ဖြစ်သည်။  

ကုန်ပစ္စည်းများကို ပြန်လည်အသုံးပြုနိုင်သော အရင်းအမြစ်များမှ ထုတ်လုပ်ခြင်း

သက်တမ်းကုန်ဆုံးသွားသော အိမ်သုံးပစ္စည်းများ၏ အရင်းအမြစ်များကို ပြန်လည်အသုံးချရန် ရည်ရွယ်၍ ပြန်လည်ဆယ်တင်ရာတွင် ခေတ်မီနည်းပညာများ လိုအပ်ပါသည်။ ကုန်ထုတ်လုပ်မှုအဆင့်တွင် ကုန်ပစ္စည်း၏ အလေးချိန်နှင့်အရွယ်အစားကို လျှော့ချခြင်းဖြင့် သွင်းအားစုအရင်းအမြစ်များကို အနည်းဆုံးဖြစ်အောင် ဆောင်ရွက်နေစဉ် Panasonic သည် ၎င်း၏ ပြန်လည်အသုံးချရေး စက်ရုံများတွင် နည်းပညာအသစ်များကို စတင်အသုံးပြုပြီး ပြန်လည်အသုံးချနိုင်သော အရင်းအမြစ်များထံမှ ပမာဏများများ ပြန်လည်ဆယ်တင် အသုံးပြုနိုင်ရန်အတွက် အစပျိုးဆောင်ရွက်လျက်ရှိသည်။

အရင်းအမြစ်များ ပြန်လည်အသုံးချရာတွင် အဓိကကျသော အချက်တစ်ခုမှာ ဂျပန်နိုင်ငံ ဟိုဂိုစီရင်စုတွင် 2000 ပြည့်နှစ်က တည်ထောင်ခဲ့သော ပြန်လည်အသုံးချရေး စက်ရုံတစ်ခုဖြစ်သည့် Panasonic Eco Technology Center Co., Ltd (PETEC) တွင် ဆောင်ရွက်ခဲ့သည့် အရာ ဖြစ်သည်။ PETEC တွင် Panasonic အနေဖြင့် သန့်စင်မှုပမာဏမြင့်မားသော ပလတ်စတစ်၊ သံနှင့် ကြေးနီကဲ့သို့သော အဖိုးတန်အရင်းအမြစ်များကို သက်တမ်းကုန်ဆုံးသွားသော ရုပ်မြင်သံကြားစက်များ၊ လေအေးပေးစက်များ၊ ရေခဲသေတ္တာများနှင့် အဝတ်လျှော်စက်များထံမှ အောင်မြင်စွာ ပြန်လည်ရယူနိုင်ခဲ့သည်။ 

ဓာတ်ပုံ- သက်တမ်းကုန်ဆုံးသွားသော အိမ်သုံးပစ္စည်းများကို PETEC သို့ ပို့ဆောင်ပေးခဲ့သည်။ သက်တမ်းကုန်ဆုံးသွားသော အိမ်သုံးပစ္စည်းများအား PETEC ကုန်လှောင်ရုံများ အတွင်းသို့ ဝန်ပင့်စက်ဖြင့် သယ်ဆောင်ပေးခဲ့သည်။
ဓာတ်ပုံ- PETEC စက်ရုံတွင် ဝန်ထမ်းများသည် ပြန်လည်အသုံးပြုနိုင်မည့် အစိတ်အပိုင်းများကို စွမ်းအင်သုံး ဝက်အူလှည့်ကိုအသုံးပြု၍ ဖြုတ်ကြသည်။
ဓာတ်ပုံ- သန့်စင်မှုမြင့်မားသော ပြန်လည်အသုံးပြုနိုင်သည့် အရင်းအမြစ်များကို လက်အိပ်စွပ်ထားသော ဝန်ထမ်းများက ရှာဖွေကြသည်။

ဥပမာအားဖြင့် ပလတ်စတစ်အစိတ်အပိုင်းများကို အမျိုးအစားခွဲခြားခြင်းနှင့် ပြန်လည်အသုံးပြုခြင်း လုပ်ငန်းစဉ်သည် ကြီးမားသောစိန်ခေါ်မှုတစ်ရပ်ပင် ဖြစ်သည်။ ကော်စေ့ အမျိုးအစားပေါင်း များစွာရှိသော်လည်း ၎င်းတို့အားလုံးမှာ တူညီသည်ဟု ထင်ရသည်။ ၎င်းတို့အား ပြန်လည်အသုံးပြုသည့် လုပ်ငန်းမစတင်မီ အမျိုးအစား ခွဲထုတ်ပြီး ပြန်လည်ဆယ်တင်ရပါသည်။ PETEC သည် တိကျမှုမြင့်မားစွာဖြင့် ကော်စေ့အမျိုးအစားများကို ခွဲခြားသည့်စနစ်ကို တီထွင်ခဲ့ပြီး ၎င်းစနစ်သည် အမျိုးအစားအလိုက် ကော်စေ့များကို လွန်စွာ သန့်ရှင်းစွာဖြင့် ခွဲထုတ်ပြီး ပြန်လည်ဆယ်ပေးနိုင်စွမ်း ရှိသည်။ ထိုသို့ ပလတ်စတစ်အမျိုးအစား ခွဲခြားစိစစ်ရာတွင် အနီးကပ် အနီအောက်ရောင်ခြည် သုံး၍ ဆောင်ရွက်ခြင်း ဖြစ်သည်။ ရောနှောနေသည့် ကော်စေ့ အပိုင်းအစများထံမှ ပလတ်စတစ်အမျိုးအစား သုံးမျိုးဖြစ်သော ပိုလီပရိုဖလင်း (Polypropylene)၊ ပိုလီစတိုင်ရင်းင်းနှင့် ABS (acrylonitrile butadiene styrene) တို့ကို သန့်ရှင်းစင်ကြယ်မှု 99 ရာခိုင်နှုန်းအထက်ဖြင့် ပြန်လည်ခွဲထုတ်ရယူနိုင်သည်။

တိကျမှုမြင့်မားသော ကော်စေ့ရွေးချယ် စနစ်တွင် အနီးကပ် အနီအောက်ရောင်ခြည်သုံး စိစစ်ခြင်းနည်းပညာကို အသုံးပြုထားသnf

ဓာတ်ပုံ- တိကျမှုမြင့်မားသော ပလတ်စတစ်အမျိုးအစား ခွဲခြားသည့်စနစ်တွင် အနီးကပ် အနီအောက်ရောင်ခြည်သုံး စိစစ်ခြင်းနည်းပညာကို အသုံးပြုထားသည်

သန့်စင်မှုမြင့်မားစွာဖြင့် ထုတ်ယူထားသော ကော်စေ့များကို ပြန်လည်ပြုပြင်ထားသော ကုန်ကြမ်းများအဖြစ် ၎င်းတို့၏အခန်းကဏ္ဍအသစ်ကို စတင်ထမ်းဆောင်ရန် သယ်ဆောင်သွားသည်

ဓာတ်ပုံ- အမျိုးအစားခွဲခြားပြီး ကော်စေ့
ဓာတ်ပုံ- ပြန်လည်ပြုပြင်ထားသော ကုန်ကြမ်းများကို PETEC ထံမှ သင်္ဘောဖြင့် သယ်ဆောင်နေသည်။ ပြန်လည်ပြုပြင်ထားသော ကုန်ကြမ်းများကို ဝန်ပင့်စက်ဖြင့်သယ်ဆောင်၍ အိတ်များအတွင်း ထည့်သွင်းနေသည်။

ထိုသို့ထုတ်ယူထားသော သန့်စင်မှုမြင့်မားသည့် ပြန်လည်ပြုပြင်ထားသော အရင်းအမြစ်များသည် “ပြန်လည်အသုံးပြုနိုင်ရန် ရည်ရွယ်ထားသော ထုတ်ကုန်များ” အဖြစ် ပြန်လည်မွေးဖွားလာကြသည်။ ပြန်လည်အသုံးပြုထားသော ကော်စေ့များသည် လေအေးပေးစက်များ၊ ရေခဲသေတ္တာများနှင့် ချက်ပြုတ်ရေးအပူပေးကိရိယာ အပူခံ Inductive Heating (IH) များ၏ အတွင်းပိုင်းအစိတ်အပိုင်းများ ဖြစ်ကြသည်။ Glass wool များကိုအသုံးပြုထားသော လေဟာနယ်လျှပ်ကာများသည် ရုပ်မြင်သံကြားစက်များ၏ Cathode-ray tube (CRT) များမှရရှိသော ဖန်သားများကို ပြန်လည်အသုံးပြုထားခြင်းဖြစ်ပြီး ၎င်းတို့ကို ရေခဲသေတ္တာအသစ်များတွင် အသုံးပြုသည်။ Panasonic သည် အရင်းအမြစ်များပြန်လည်အသုံးပြုခြင်း နည်းပညာများကို ဂျပန်ပြည်တွင်းမှသည် ကမ္ဘာအနှံ့သို့ တိုးချဲ့ခြင်းဖြင့် ကုလသမဂ္ဂ၏ ရေရှည် ဖွံ့ဖြိုးတိုးတက်ရေး ပန်းတိုင်များနှင့် ရေရှည် တည်တံ့ခိုင်မြဲသော လူ့ဘောင်တစ်ရပ်ကို အကောင်အထည်ဖော်ရန်အတွက် ရည်ရွယ်ထားသည်။

ရေရှည် ဖွံ့ဖြိုးတိုးတက်ရေး ပန်းတိုင် 17 ခု (SDG များ)

ပုံ- ရေရှည် ဖွံ့ဖြိုးတိုးတက်ရေး ပန်းတိုင်များ။ ပန်းတိုင် 1- ဆင်းရဲနွမ်းပါးမှု ပပျောက်ရေး၊ ပန်းတိုင် 2- ငတ်မွတ်ခေါင်းပါးမှု မရှိစေရေး၊ ပန်းတိုင် 3- ကောင်းမွန်သောကျန်းမာရေးစောင့်ရှောက်မှု ရရှိရေး၊ ပန်းတိုင် 4- အရည်အသွေးပြည့်ဝသော ပညာရေးရရှိရေး၊ ပန်းတိုင် 5- ကျား/မ တန်းတူညီမျှရရှိရေး၊ ပန်းတိုင် 6- သန့်ရှင်းသော သောက်သုံးရေနှင့် မိလ္လာစနစ်ရရှိရေး၊ ပန်းတိုင် 7- လူတိုင်းလက်လှမ်းမီမှုရှိပြီး သန့်ရှင်းသော စွမ်းအင်ရရှိရေး၊ ပန်းတိုင် 8- သင့်တင့်လျောက်ပတ်သော အလုပ်အကိုင်နှင့် စီးပွားရေးဖွံ့ဖြိုးမှု ရရှိရေး၊ ပန်းတိုင် 9- စက်မှုလုပ်ငန်းဆန်းသစ်တီထွင်မှုနှင့် အခြေခံအဆောက်အအုံမြှင့်တင်ရေး၊ ပန်းတိုင် 10- မညီမျှမှုများ လျှော့နည်းသွားစေရေး၊ ပန်းတိုင် 11- ရေရှည်တည်တံ့ခိုင်မြဲသော မြို့ပြဒေသများနှင့် ကျေးလက်လူမှုအဖွဲ့အစည်းများ ထူထောင်ရေး၊ ပန်းတိုင် 12- တာဝန်သိသော စားသုံးမှုပုံစံ ဖြစ်ပေါ်စေရေး၊ ပန်းတိုင် 13- ရာသီဥတု ထိန်းသိမ်းရေးဆိုင်ရာ လုပ်ငန်းစဉ်များ ချမှတ်ဆောင်ရွက်ရေှးု၊ ပန်းတိုင် 14- ရေအောက်သက်ရှိလောက ထိန်းသိမ်းစောင့်ရှောက်ရေး၊ ပန်းတိုင် 15- မြေအောက်သက်ရှိလောက ထိန်းသိမ်းစောင့်ရှောက်ရေး၊ ပန်းတိုင် 16- ငြိမ်းချမ်းရေးနှင့် တရားမျှတမှုတည်ဆောင်ရေး၊ ပန်းတိုင် 17- ပန်းတိုင်များအတွက် မိတ်ဖက်ပြု ဆောင်ရွက်ချက်များ၊ 2030 သို့ လှမ်းချီနေစဉ် ဤဖွံ့ဖြိုးတိုးတက်ရေး ပန်းတိုင်များသည် တစ်ကမ္ဘာလုံး အတိုင်းအတာဖြင့် သဘောတူညီထားသော ပန်းတိုင်များအဖြစ် ဆက်လက် ရှိနေမည် ဖြစ်ပါသည်။
ပုံ- A Better Life, A Better World

ဆက်သွယ်ရန်

Panasonic Corporation
Groupwide Brand Communications Division
ဆက်သွယ်ရန် [Global Site]