ရေရှည်စားသုံးနိုင်သော ပင်လယ်စာ စီမံကိန်းများသည် ပတ်ဝန်းကျင်ကို ရှေ့တန်းတင်ပြီး အလေးထား လုပ်ဆောင်လျက်ရှိသည်

Panasonic ကုမ္ပဏီကော်ဖီဆိုင်များသည် ရေရှည်စားသုံးနိုင်ရေးကို ဦးတည်၍ ငါးဟင်းလျာများကို ပေးစွမ်းလျက်ရှိသည်။

ကမ္ဘာ့လူဦးတိုးပွားလာခြင်းကြောင့် အဏ္ဏဝါအရင်းအမြစ်များသည် မျိုးတုံးခြင်းအန္တရာယ်၏ ခြိမ်းခြောက်မှုအောက်တွင် ရောက်ရှိနေသည်။ ရေရှည်စားသုံးနိုင်သော ပင်လယ်စာ ဟု ခေါ်တွင်၍ ရေရှည်တည်တံ့စေမည့် နည်းများ အသုံးပြုပြီး ရယူထားသော ပင်လယ်စာကို အစားအစာမီနျူးများထဲတွင် ထည့်သွင်းခြင်းကဲ့သို့ နည်းလမ်းမျိုးစုံကို အသုံးပြုကာ စားသုံးသူများအား အသိပညာပေးသည့် နေရာတစ်နေရာအဖြစ် Panasonic ကုမ္ပဏီ၏ ကော်ဖီဆိုင်များကို အသုံးချလျက်ရှိပါသည်။ ထိုလုပ်ဆောင်ချက်သည် ကုလသမဂ္ဂ၏ စဉ်ဆက်မပြတ် ဖွံ့ဖြိုးရေး ရည်မှန်းချက်ပန်းတိုင်များ (SDGs) အနက် (ရေအောက်သက်ရှိလောက ထိန်းသိမ်းစောင့်ရှောက်ရေး) ဟူသော ပန်းတိုင် 14 ဖြစ်မြာက် အောင်မြင်ရေးတွင် တစ်စိတ်တစ်ပိုင်းအဖြစ် ပါဝင်ရန် ရည်ရွယ်သည်။

စဉ်ဆက်မပြတ် ဖွံ့ဖြိုးရေး ရည်မှန်းချက်ပန်းတိုင် 17 ခု (SDGs)

ပုံ- စဉ်ဆက်မပြတ် ဖွံ့ဖြိုးရေး ရည်မှန်းချက်ပန်းတိုင်များ။ ပန်းတိုင် 1- ဆင်းရဲနွမ်းပါးမှု ပပျောက်ရေး၊ ပန်းတိုင် 2- ငတ်မွတ်ခေါင်းပါးမှု မရှိရေး၊ ပန်းတိုင် 3- ကောင်းမွန်သော ကျန်းမာရေးစောင့်ရှောက်မှု ရရှိရေး၊ ပန်းတိုင် 4- အရည်အချင်းပြည့်ဝသော ပညာရေး ရရှိရေး၊ ပန်းတိုင် 5- ကျား-မ တန်းတူညီမျှမှု ရရှိရေး၊ ပန်းတိုင် 6- သန့်ရှင်းသော သောက်သုံးရေနှင့် မိလ္လာစနစ်ရရှိရေး၊ ပန်းတိုင် 7- လူတိုင်း လက်လှမ်းမီမှုရှိပြီး သန့်ရှင်းသော စွမ်းအင် ရရှိရေး၊ ပန်းတိုင် 8- သင့်တင့်လျောက်ပတ်သော အလုပ်အကိုင်နှင့် စီးပွားရေး ဖွံ့ဖြိုးမှု ရရှိရေး၊ ပန်းတိုင် 9- စက်မှုဆန်းသစ်တီထွင်မှုနှင့် အခြေခံအဆောက်အအုံ မြှင့်တင်ရေး၊ ပန်းတိုင် 10- မညီမျှမှုများ လျော့နည်းသွားစေရေး၊ ပန်းတိုင် 11- မြို့ပြနှင့် ကျေးလက်လူ့အဖွဲ့အစည်းများ ရေရှည်တည်တံ့စေရေး၊ ပန်းတိုင် 12- တာဝန်သိသော စားသုံးမှုပုံစံ ဖြစ်ပေါ်စေရေး၊ ပန်းတိုင် 13- ရာသီဥတု ထိန်းသိမ်းရေးလုပ်ငန်းစဉ်များ ချမှတ်ဆောင်ရွက်ရေး၊ ပန်းတိုင် 14- ရေအောက်သက်ရှိလောက ထိန်းသိမ်းစောင့်ရှောက်ရေး၊ ပန်းတိုင် 15- မြေပေါ်သက်ရှိလောက ထိန်းသိမ်းစောင့်ရှောက်ရေး၊ ပန်းတိုင် 16-ုငြိမ်းချမ်းရေးနှင့် တရားမျှတမှု တည်ဆောက်ရေး၊ ပန်းတိုင် 17- ရည်မှန်းချက်များအားလုံးအတွက် မိတ်ဖက်ပူးပေါင်းဆောင်ရွက်ရေး၊ 2030 ရည်မှန်းချက်သို့ လှမ်းချီနေစဉ် ဤဖွံ့ဖြိုးတိုးတက်ရေး ပန်းတိုင်များသည် တစ်ကမ္ဘာလုံး အတိုင်းအတာဖြင့် သဘောတူညီထားသော ပန်းတိုင်များအဖြစ် ဆက်လက် ရှိနေမည် ဖြစ်ပါသည်။

ငါးအလွန်အကျွံဖမ်းဆီးခြင်းနှင့် ရေလုပ်ငန်းတို့သည် အဏ္ဏဝါရင်းမြစ်များစားသုံးမှု ဆက်တိုက်တိုးပွားလာခြင်းတွင် ပါဝင်နေသည့် အရာများ ဖြစ်သည်။ တုံ့ပြန်ရေး အစီအမံများ ဆောင်ရွက်ခြင်းမရှိပါက အနာဂတ်မျိုးဆက်များသည် ငါးနှင့် အခွံမာရေသတ္တဝါများကို စားသုံးနိုင်မည် မဟုတ်တော့ပါ။ လာမည့်မျိုးဆက်များအတွက် သမုဒ္ဒရာနှင့် ပင်လယ်တို့၏ ဤလက်ဆောင်များကို ထိန်းသိမ်းရန် အလို့ငှာ Panasonic သည် 2018 ခုနှစ် မတ်လ ကတည်းကပင် ၎င်း၏ ကုမ္ပဏီကော်ဖီဆိုင် မီနျူးများတွင် ရေရှည်စားသုံ့းနိုင်သော ပင်လယ်စာမီနျူးများကို စတင်မိတ်ဆက်ခဲ့သည်။ ဤကနဦးခြေလှမ်းသည် ဂျပန်နိုင်ငံတွင် အခြေစိုက်သော ကုမ္ပဏီတစ်ခု အနေနှင့် ပထမဆုံးလုပ်ဆောင်မှု ဖြစ်သည်။  

ရေရှည်စားသုံးနိုင်သော ပင်လယ်စာ ဆိုသည်မှာ ငါးဖမ်းလုပ်ငန်းနှင့် ရေလုပ်ငန်းများမှ ထုတ်လုပ်သူများက အရင်းအမြစ် စီမံခန့်ခွဲမှု၊ သဘာဝပတ်ဝန်းကျင် နှင့် လူမှုအဖွဲ့အစည်းတို့အတွက် ထည့်သွင်းစဉ်းစားကာ ရေရှည်စားသုံ့းနိုင်ရေး နည်းလမ်းများဖြင့် ထုတ်လုပ်ထားသော ရေထွက်ကုန်များကို ဆိုလိုသည်။ 2020 ဇန်နဝါရီလ မှတ်တမ်းအရ ရေရှည်စားသုံးနိုင်သော ပင်လယ်စာအစီအစဉ်ကို ကုမ္ပဏီကော်ဖီဆိုင် 30 ၏ မီနျူးများတွင် ပူးပေါင်းထည့်သွင်းပြီး ဖြစ်ကာ 2020 ဘဏ္ဍာရေးနှစ်အကုန် မတိုင်မီ ၎င်း၏ လုပ်သားအင်အားဖြစ်သော ဂျပန်နိုင်ငံရှိ လူပေါင်း 100,000 ကျော်ခန့်အား ဝန်ဆောင်မှုပေးနေသည့် ကော်ဖီဆိုင် 100 လုံး သို့မဟုတ် ၎င်းပမာဏ ဝန်းကျင်ခန့်တွင် ၎င်း၏ ကနဦးလုပ်ဆောင်ချက် ပြီးမြောက်ရန် Panasonic က ရည်မှန်းထားသည်။  

ဓာတ်ပုံ- Panasonic ကုမ္ပဏီကော်ဖီဆိုင် ဝင်ပေါက် ရေရှည်စားသုံးနိုင်သော ပင်လယ်စာ ပို့စတာများနှင့် နဖူးစည်းများ ခင်းကျင်းပြသထားပုံ။ လူများစွာ တန်းစီနေပုံ။
ဓာတ်ပုံ- ရေရှည်စားသုံးနိုင်သော ပင်လယ်စာ ပါဝင်သည့် လက်ရွေးစင် မီနျူးတစ်ခု။ Miyagi စီရင်စုမှ ကမာလုံးကြော်။ ထမင်းဖြူနှင့် မီဆိုဟင်းရည်တို့ကို ဗန်းပေါ်တွင် ခင်းကျင်းထားပုံ။
ဓာတ်ပုံ- Panasonic ဝန်ထမ်းများ ကုမ္ပဏီကော်ဖီဆိုင်၏ ရေရှည်စားသုံးနိုင်သော ပင်လယ်စာ မီနျူးမှ မှာယူစားသောက်နေကြပုံ။

စားသုံးမှုအတွက် ရေရှည်စားသုံးနိုင်သော ပင်လယ်စာ ဖြစ်ကြောင်း အသိအမှတ်ပြုထောက်ခံခြင်း

ကမ္ဘာတစ်ဝှမ်းလုံး အင်တိုက်အားတိုက် လုပ်ဆောင်လျက်ရှိသော အဏ္ဏဝါအရင်းအမြစ်များ ကာကွယ်ခြင်းအတွက် ကနဦးခြေလှမ်းတစ်ခုမှာ ရေရှည်စားသုံးနိုင်သော ပင်လယ်စာရွေးချယ်ခြင်း လုပ်ငန်းစဉ် ဖြစ်သည်။ အဏ္ဏဝါ ကြီးကြပ်ရေး ကောင်စီ (MSC) နှင့် ရေလုပ်ငန်းကဏ္ဍ ကြီးကြပ်ရေး ကောင်စီ (ASC) တို့ကို အသိအမှတ်ပြုထောက်ခံရေး စနစ်များအဖြစ် တည်ထောင်ခဲ့သည်။ စားသုံးသူများသည် ဤစနစ်များထဲမှ တစ်ခုခု၏ ထောက်ခံချက်တံဆိပ် ဖော်ပြထားသော ရေထွက်ကုန်များကို စတင်ရွေးချယ်လာသည်နှင့် အမျှ ထောက်ခံချက်ရှိအောင် ဆောင်ရွက်မည့် ရေလုပ်ငန်း လုပ်ကိုင်သူ အရေအတွက်လည်း တိုးလာမည် ဖြစ်သည်။ ထိုသို့တိုးလာခြင်းသည် ပင်လယ် သမုဒ္ဒရာများ ပိုမိုကျယ်ဝန်းသော ကာကွယ်မှုဆီသို့ ဦးတည်စေလိမ့်မည်။

ပုံ- MSC ထောက်ခံချက် အမှတ်အသား။ MSC ထောက်ခံချက်ဖြင့် အဏ္ဏဝါ ကြီးကြပ်ရေး ကောင်စီ (MSC) က ရေရှည်စားသုံးနိုင်အောင် ကောင်းမွန်စွာ စီမံဆောင်ရွက်လျက်ရှိသော ငါးလုပ်ငန်းများအတွက် အသိအမှတ်ပြု ထောက်ခံပေးလျက်ရှိသည်။ အမှတ်အသားကို အောက်ပါအတိုင်း တွေ့နိုင်သည်။ “ထောက်ခံချက်ရရှိထားသော ရေရှည်စားသုံးနိုင်သည့် ပင်လယ်စာ၊ MSC၊ www.msc.org”
ပုံ- ASC ထောက်ခံချက် အမှတ်အသား။ ရေလုပ်ငန်းကဏ္ဍ ကြီးကြပ်ရေး ကောင်စီ (ASC) သည် သဘာဝပတ်ဝန်းကျင်နှင့် လူမှုအဖွဲ့အစည်းတို့အပေါ် သဘာဝပတ်ဝန်းကျင်ဆိုင်ရာ ဝန်ထုပ်ဝန်ပိုးများ အနည်းဆုံးဖြစ်စေရန် ငါးများကို တာဝန်ခံမှုရှိစွာ ဖမ်းဆီးခြင်းအတွက် ASC ထောက်ခံချက်ဖြင့် စည်းကမ်းထိန်းသိမ်း ဆောင်ရွက်လျက်ရှိသည်။ အမှတ်အသားကို အောက်ပါအတိုင်း တွေ့နိုင်သည်။ “တာဝန်ခံမှုရှိစွာ ဖမ်းဆီးပါကြောင်း၊ asc မှ ထောက်ခံပါသည်၊ ASC-AQUA.ORG”

Panasonic သည် ၎င်း၏ ရေရှည်စားသုံးနိုင်သော ပင်လယ်စာ အစီအစဉ် မိတ်ဆက်မှုအတွင်း စိုးရိမ်ကြောက်လန့်ဖွယ် အတားအဆီးများ ရင်ဆိုင်နေရသည်။ ၎င်း၏ ကုမ္ပဏီကော်ဖီဆိုင် မီနျူးပါ အမယ်များတွင် ရေရှည်စားသုံးနိုင်သော ပင်လယ်စာများ အသုံးပြုနေကြောင်း တင်ပြနိုင်ရန် ရေထွက်ကုန်ပစ္စည်းများကို ပံ့ပိုးနေသည့် လုပ်ငန်းများပါမက သွင်းကုန်လုပ်ငန်းများ၊ လက်ကားရောင်းချသူများ၊ ကုန်ချောထုတ်လုပ်ငန်းများ၊ ဖြန့်ချိရေးလုပ်ငန်းများနှင့် စားသောက်ကုန်လုပ်ငန်းများ အပါအဝင် ကုမ္ပဏီအားလုံးသည် ထောက်ပံ့ရေးကွင်းဆက် အသီးသီးတွင် ဤလုပ်ရပ်အတိုင်း လိုက်နာဆောင်ရွက်ကြရမည်။ စောင့်ကြည့်ထိန်းသိမ်းမှု ကွင်းဆက် (CoC) က ခြေရာခံနိုင်စွမ်းသည် စိတ်ချရပြီး ဤကုမ္ပဏီများသည် ထောက်ခံချက်ရရှိရန် အလို့ငှာ အခြေအနေအမျိုးမျိုးတို့တွင် ပြည့်မီရန်လိုအပ်ကြောင်း အာမခံလျက်ရှိသည်။

ထောက်ခံချက်ရရှိထားသော ရေထွက်ကုန်များ ပံ့ပိုးမှု စီးကြောင်း

ပုံ- “ ရေထွက်ကုန် လုပ်ငန်းအားလုံးအတွက် စောင့်ကြည့်ထိန်းသိမ်းမှု ကွင်းဆက် (CoC) ထောက်ခံချက် လိုအပ်နေသည်။” ဤကားချပ်တွင် ထောက်ခံချက်ရရှိထားသော ရေထွက်ကုန်များ အဆင့်ဆင့် စီးဆင်းနေမှုကို ပြသနေသည်။ MSC ထောက်ခံချက် သို့မဟုတ် ASC ထောက်ခံချက်ကို ရေထွက်ကုန် ပံ့ပိုးရေးလုပ်ငန်းများအတွက် လိုအပ်နေသည်။ CoC ထောက်ခံချက်ကိုလည်း သွင်းကုန်လုပ်ငန်းများ၊ လက်ကားရောင်းချသူများ၊ ကုန်ချောထုတ်လုပ်ငန်းများ၊ ဖြန့်ချိရေးလုပ်ငန်းများနှင့် စားသောက်ကုန်ုလုပ်ငန်းများအတွက် လိုအပ်နေသည်။ ဤထောက်ခံချက်အားလုံးကို ရရှိပြီးပါက ကုမ္ပဏီကော်ဖီဆိုင်များသည် ရေရှည်စားသုံးနိုင်သော ပင်လယ်စာများဖြင့် တည်ခင်းရောင်းချနိုင်မည်ဖြစ်သည်။

ဤကနဦးခြေလှမ်း၏ အကျိုးသက်ရောက်မှုကို အမြင့်ဆုံးဖြစ်စေရန် Panasonic သည် ၎င်း၏ ကုမ္ပဏီပြင်ပ အားထုတ်မှုများကို အရှိန်မြှင့်တင်လျက်ရှိသည်။ ကုမ္ပဏီသည် အခြားကုမ္ပဏီများကို စိတ်ရောကိုယ်ပါ အကူအညီပေးလျက်ရှိပြီး အဆိုပါ ထုတ်ကုန်အား သိရှိမှု သိသိသာသာ ကျယ်ပြန့်လာစေရန်အတွက် ၎င်းတို့၏ ကုမ္ပဏီကော်ဖီဆိုင်များတွင် ရေရှည်စားသုံးနိုင်သော ပင်လယ်စာအစီအစဉ် မိတ်ဆက်လုပ်ဆောင်ရန် တွန်းအားပေးလျက်ရှိသည်။ စားသောက်ကုန်လုပ်ငန်းကဏ္ဍအတွင်းရှိ လုပ်ငန်းရှင်များအား CoC ထောက်ခံချက် အသိပညာပေးမှုအတွက်လည်း အကူအညီပေးလျက်ရှိသည်။

အသိပညာပေးမှု မြှင့်တင်ရေး လုပ်ဆောင်ချက်များမှတစ်ဆင့် စားသုံးသူအမူအကျင့်တွင် အရေးပါသော ပြောင်းလဲမှုတစ်ခု ပေါ်ထွန်းလာစေရန် Panasonic မှ မျှော်မှန်းပါသည်။ ဤအခြေခံ အတွေးအခေါ်သည် ၎င်း၏ ဝန်ထမ်းအတွက် ရေရှည်စားသုံးနိုင်သော ပင်လယ်စာအစီအစဉ်အား နမူနာယူတတ်စေရန်၊ အသိအမှတ်ပြုတတ်စေရန်နှင့် ထိုအစီအစဉ်အကြောင်း အခြားသူများအား ပြောပြတတ်စေရန် ဖြစ်သည်။ ဆက်လက်၍ ဤကနဦးခြေလှမ်းနှင့် ၎င်းကဲ့သို့သော ကနဦးခြေလှမ်းများအား ဆက်လက် အဆင့်မြှင့်တင်ခြင်များမှတစ်ဆင့် အဏ္ဏဝါအရင်းအမြစ်များအား ကာကွယ်ထိန်းသိမ်းခြင်းနှင့် ရေရှည်တည်တံ့သော လူမှုအဖွဲ့အစည်း ဖြစ်ပေါ်လာရေးတိုတွင် တစ်စိတ်တစ်ပိုင်းအဖြစ်ပါဝင်နိုင်ရန် ကုမ္ပဏီက ရည်ရွယ်ပါသည်။

ဓာတ်ပုံ- Panasonic ကုမ္ပဏီကော်ဖီဆိုင်ရှိ အရောင်းကောင်တာ။ ရေရှည်စားသုံးနိုင်သော ပင်လယ်စာဆိုင်ရာ အသိပေးပိုစတာများ ခင်းကျင်းထားပုံ။
ဓာတ်ပုံ- Panasonic ကုမ္ပဏီကော်ဖီဆိုင်၏ အပေါ်စီး မြင်ကွင်း။ လူများစွာ စားသောက်နေကြပုံ။
ပုံ- A Better Life, A Better World

ဆက်သွယ်ရန်

Panasonic Corporation
Groupwide Brand Communications Division
ဆက်သွယ်ရန် [Global Site]