သင့်အိမ်ကို သန့်ရှင်းအောင် ဘယ်လိုထားမလဲ

လွင့်လာသော ဖုန်မှုန့်များသည် ခန်းဆီးလိုက်ကာများတွင် ကပ်တတ်သောကြောင့် သင်ထားသည်ထက် ပို၍ ညစ်ပတ်နေနိုင်သည်။ ချိတ်ထားသော ခန်းဆီးလိုက်ကာများ၏ မျက်နှာပြင်ပေါ်ရှိ ဖုန်များကို စုပ်ယူရန် ဖုန်စုပ်စက်ကို အပေါ်၊ အောက် ညင်သာစွာရွှေ့ပါ။
ပို၍ကောင်းမွန်သော သန့်ရှင်းရေးအတွက် ၎င်းတို့ကို ဆပ်ပြာရည်စွတ်ထားသော အဝတ်စုတ်ဖြင့် သုတ်ပါ။

ကျွန်ုပ်တို့၏ ခန်းဆီးလိုက်ကာအတွက် အထူးသီးသန့် စက်ခေါင်းကို အသုံးပြုရန် အကြံပြုပါသည်

ဖုန်စုပ်စက်ထဲသို့ ခန်းဆီးလိုက်ကာများ မဝင်စေရန် စက်ခေါင်းက ကာကွယ်ပေးထားသောကြောင့် သင့်အနေဖြင့် ၎င်းကို ကိုင်တွယ်ရာတွင် အခက်အခဲမရှိဘဲ ပို၍ အလွယ်တကူ သန့်ရှင်းရေးလုပ်နိုင်သည်။

ပိတ်စမျက်နှာပြင်နှင့် ထိုင်ခုံများကြားရှိ ဟနေသောနေရာများတွင် သေးငယ်သော အမှိုက်စများ စုပုံနေတတ်သည်။
ပိတ်စတွင် ကပ်ငြိနေသော ဖုန်မှုန့်များကို ရှင်းလင်းရန် ဖုန်သုတ်တံ စက်ခေါင်း တပ်ထားသည့် ဖုန်စုပ်စက်ကို သုံး၍ ဟနေသော နေရာများထဲရှိ ဖုန်မှုန့်များကို ရှင်းလင်းရန် ပါးလွှာသော စက်ခေါင်း တပ်ထားသည့် ဖုန်စုပ်စက်ကို သုံးပါ။
သားရေကူရှင်များ ဖြစ်ပါက ၎င်းတို့အတွက် ရည်ရွယ်ထားသော ဖုန်သုတ်တံနှင့် ဖုန်စုပ်စက်ကို အသုံးပြုပြီး ဖုန်များကို ရှင်းလင်းဖယ်ရှားပါ။

သင့်အိမ်သည် ကြွေပြားကပ် ကြမ်းခင်း ဖြစ်ပါသလား သို့မဟုတ် ကော်ဇောခင်းထားပါသလား။ နှစ်မျိုးလုံးလည်း ဖြစ်ကောင်းဖြစ်နိုင်ပါသည်။
ကြမ်းခင်းအမျိုးအစားအလိုက် ဖုန်စုပ်စက်ကို စက်ခေါင်း လဲလှယ်တပ်ဆင်ပြီး အသုံးပြုရသည်မှာ ကရိကထများသည်။
Panasonic ဖုန်စုပ်စက်၏ စက်ခေါင်းတွင် အမွေး 2 မျိုး ပါဝင်သောကြောင့် မည်သည့်ကြမ်းခင်းအတွက်မဆို တစ်ခုတည်းဖြင့် အသုံးပြုနိုင်သည်။ အားလုံးကို တစ်ခါတည်း ရှင်းလင်းနိုင်သောကြောင့် သင့်အတွက် အချိန်ကုန် လူပင်ပန်းမှုကို သက်သာစေသည်။

ပရိဘောဂပစ္စည်းအောက်နှင့် ၎င်းတို့ကြားရှိ လွတ်နေသော နေရာများကဲ့သို့ ဖုန်စုပ်စက်၏ စက်ခေါင်း မရောက်နိုင်သည့် နေရာများတွင် ဖုန်မှုန့်များ စုပုံလေ့ရှိသောကြောင့် ပို၍ ဂရုတစိုက် ရှင်းလင်းသင့်သည်။
သတိမထားမိသည့် ဖုန်မှုန့်များကို ပါးလွှာသည့် စက်ခေါင်းဖြင့် သန့်စင်သွားအောင် ရှင်းလင်းသင့်သည်။