CS/CU-RU12YKH

បច្ចេកវិទ្យា nanoe™ X ប្រើគុណប្រយោជន៍នៃរ៉ាឌីកាល់អ៊ីដ្រុកស៊ីត ដើម្បីកម្ចាត់សារធាតុបង្កការបំពុលនៅក្នុងខ្យល់ និងនៅតោងជាប់លើវត្ថុ
ផ្សេងៗយ៉ាងមានប្រសិទ្ធភាព ព្រមទាំងកាត់បន្ថយក្លិនមិនល្អទូទៅ ដើម្បីរក្សាអនាម័យ និងទទួលបានខ្យល់បរិសុទ្ធ។ អាចបើ់កមុខងារ nanoe™ ដាច់ដោយឡែក (មិនបញ្ចេញខ្យល់ត្រជាក់) ដោយប្រើប្រាស់ថាមពល
តិចត្រឹមតែ 25W/ម៉ោង* ដើម្បីបន្សុទ្ធខ្យល់នៅក្នុងកន្លែងរស់នៅរបស់
អ្នកគ្រប់ពេលវេលា ដែលផ្ដល់នូវកន្លែងរស់នៅប្រកបដោយអនាម័យ
និងផាសុកភាពសម្រាប់អ្នក និងមនុស្សជាទីស្រលាញ់ និងធ្វើឱ្យផ្ទះរបស់អ្នកជាកន្លែងដែលមានសុវត្ថិភាព 24/7។

តាមរយៈការប្រើអាដាប់ទ័របណ្ដាញជាជម្រើស CZ-TACG1 និងកម្មវិធី Panasonic Comfort Cloud អាចភ្ជាប់ម៉ាស៊ីនត្រជាក់បានរហូតដល់ 20 គ្រឿងនៅ 1 ទីតាំង (រហូតដល់ 10 ទីតាំង) និងបញ្ជាម៉ាស៊ីនទាំងនោះពីកន្លែងណាក៏បាន នៅផ្ទះ ឬពីចម្ងាយ។ សូមប្រើមុខងារម៉ាស៊ីនត្រជាក់ទាំងអស់ពីចម្ងាយ តាមដាន និងត្រួតពិនិត្យការប្រើប្រាស់ម៉ាស៊ីនត្រជាក់ដោយប្រើស្ថិតិថាមពលដ៏ទូលំទូលាយ និងកំណត់បញ្ហាតាមរយៈការជូនដំណឹងអំពីការមិនដំណើរការ ដើម្បីដោះស្រាយបញ្ហាដោយពុំចាំបាច់ចំណាយកម្លាំង។​ រាល់បញ្ហាអាចដោះស្រាយបានដោយគ្រាន់តែប្រើឧបករណ៍ចល័តមួយប៉ុណ្ណោះ។

មុខងារថាមពលខ្លាំងធ្វើឱ្យបន្ទប់របស់អ្នកត្រជាក់លឿនជាងមុន 18%* តាមរយៈកុំប្រេស័រ និងកង្ហារខាងក្នុងដំណើរការកម្រិតល្បឿនលឿនបំផុត ដើម្បីផ្ដល់ភាពត្រជាក់ខ្លាំងភ្លាមៗសម្រាប់អ្នកនៅពេលចាប់ផ្ដើមបើក។

បច្ចេកវិទ្យាអ៊ីនវើទ័ររបស់ Panasonic ប្រើមីក្រូកុំព្យូទ័រជាក់លាក់ និងតែមួយគត់ដែលបង្កើតឡើងដោយ Panasonic និងម៉ាស៊ីនបង្ហាប់ខ្យល់ស្ងាត់ និងថាមពលខ្លាំង ដើម្បីគ្រប់គ្រងសីតុណ្ហភាពបានត្រឹមត្រូវ ដែលផ្ដល់ផាសុកភាពប្រកបដោយតុល្យភាព ស្របជាមួយការសន្សំសំចៃថាមពល។ អ៊ីនវើទ័រក៏ផ្តល់នូវអត្ថប្រយោជន៍ជាច្រើនសម្រាប់ភាពងាយស្រួលរបស់អ្នកផងដែរ រួមទាំងភាពត្រជាក់លឿននៅពេលចាប់ផ្តើមដំណើរការ ដោយរក្សាសីតុណ្ហភាពដែលបានកំណត់ថេរ កម្រិតបញ្ចេញថាមពលកាន់តែទូលំទូលាយ និងកាត់បន្ថយកម្រិតសំឡេងរំខាន។

ម៉ាស៊ីនត្រជាក់រាងតូច ដែលអាចប្រើនៅកន្លែងតូចចង្អៀតបានយ៉ាងងាយស្រួល ដូចជានៅពិដានទាប ជញ្ជាំងបិតជិត ខាងលើទ្វារ និងបង្អួចជាដើម។ រូបរាងដ៏ពិសេសរបស់វាផ្ដល់ភាពងាយស្រួលក្នុងការដំណើរការ និងថែទាំ។