Panasonic Cambodia

Panasonic Cambodia

បង្កើតឡើងនៅឆ្នាំ 2010 Panasonic Cambodia គឺជាការិយាល័យតំណាងផ្លូវការរបស់ Panasonic Singapore នៅប្រទេសកម្ពុជា ដែលមានភារកិច្ចត្រូវជួយ និងសម្របសម្រួលដល់ការលក់/ការលក់គ្រឿងបន្លាស់ ការធ្វើទីផ្សារ និងការចែកចាយផលិតផល Panasonic ទាំងនៅផ្នែក B2B និង B2C។ Panasonic Cambodia ក៏ប្រាស្រ័យទាក់ទងតំណាងឱ្យសាខាប្រចាំតំបន់អាស៊ីប៉ាស៊ីហ្វិកផងដែរ ក្នុងការបង្កើតនូវផលវិជ្ជមានជានិរន្តដល់សង្គម និងសហគមន៍ដែលខ្លួនផ្ដល់សេវាកម្ម។
 

ឈ្មោះក្រុមហ៊ុន

Branch of Panasonic Asia Pacific Pte. Ltd.

ទីតាំងការិយាល័យ

ផ្លូវលេខ 106, ជាន់ទី 15, អគារ Exchange Square,
សង្កាត់វត្តភ្នំ, ខណ្ឌដូនពេញ, ក្រុងភ្នំពេញ

លេខទូរសព្ទ

+855 (0)23 260 158

នាយកប្រតិបត្តិ និងប្រធានប្រចាំប្រទេស

លោកYasunobu Matsumoto

ការបង្កើត

Panasonic Cambodia ត្រូវបានបង្កើតឡើងជាផ្លូវការនៅឆ្នាំ 2010 នៅរាជធានីភ្នំពេញនៃព្រះរាជាណាចក្រកម្ពុជា

នាយកប្រតិបត្តិ និងប្រធានប្រចាំប្រទេស ក្រុមហ៊ុន Panasonic Cambodia

នាយកប្រតិបត្តិ និងប្រធានប្រចាំប្រទេស ក្រុមហ៊ុន Panasonic Cambodia

ការប្តេជ្ញាចិត្តដ៏មុតមាំរបស់យើង ដើម្បីផ្តល់ឲ្យប្រទេសកម្ពុជាទទួលបាន «ជីវិតរស់នៅកាន់តែប្រសើរ ពិភពលោកកាន់តែស្រស់ថ្លា»

អស់រយៈពេលជាងមួយសតវត្សរ៍មកហើយ ដែលក្រុមហ៊ុន Panasonic បានសិក្សាពីវិធីដើម្បី ដោះស្រាយបញ្ហាប្រឈមចម្បងៗ ដែលកំពុងកើតមាន និងជះឥទ្ធិពលដល់ការរស់នៅរបស់យើង។ ការចាប់ផ្តើមពីផលិតផល និងការអនុវត្តរបស់យើង វាបានអនុញ្ញាតឱ្យមានឱកាសកែច្នៃ និងផលិតនូវផលិតផលថ្មីៗប្រកបដោយភាពច្នៃប្រឌិតខ្ពស់ ដើម្បីបង្កើតនូវឥទ្ធិពលវិជ្ជមានទៅដល់រស់នៅរបស់មនុស្សក្នុងពិភពលោកទាំងមូល។ ស្ថាបនិករបស់យើងគឺលោក Konosuke Matsushita ក្នុងឆ្នាំ 1918 បានបន្សល់ចក្ខុវិស័យមួយដ៏មុតមាំ និងបន្ដជាកម្លាំងចលករសម្រាប់ការអភិវឌ្ឍអាជីវកម្មរបស់យើងរហូតមកដល់សព្វថ្ងៃ។

ក្រុមហ៊ុន Panasonic Cambodia ត្រូវបានបង្កើតឡើងជាមួយនឹងការប្តេជ្ញាចិត្តក្នុងការធ្វើអាជីវកម្មរបស់ខ្លួន ដោយការបង្កើតផលវិជ្ជមានយូរអង្វែង តាមរយៈការរួមចំណែកក្នុងការអភិវឌ្ឍសង្គម និងសុខុមាលភាពរបស់ប្រជាជន ដែលជាទស្សនៈវិស័យសាជីវកម្មរបស់យើងក្នុងរយៈពេល 100ឆ្នាំកន្លងមក និងបានយកមកអនុវត្តន៍នៅក្នុងប្រទេសកម្ពុជាអស់រយៈពេលជាង 10 ឆ្នាំ ស្របនឹងទស្សនវិស័យរបស់ Panasonic ជីវិតរស់នៅកាន់តែប្រសើរ ពិភពលោកកាន់តែស្រស់ថ្លា” ។

ទស្សនវិស័យនេះគឺជាគោលបំណងនៃការគ្រប់គ្រងមូលដ្ឋានគ្រឹះ ដែលក្រុមហ៊ុនបានបង្កើតឡើង ជាមួយនឹងគោលការណ៍ចំនួន 7 ទៀត។ គោលការណ៍ណែនាំទាំងនេះរួមគ្នាជាត្រីវិស័យមួយ ដើម្បីជួយកំណត់និងរក្សាទិសដៅត្រឹមត្រូវសម្រាប់អាជីវកម្មរបស់យើង។

គោលបំណងនៃការគ្រប់គ្រងមូលដ្ឋានគ្រឹះ អាចឲ្យយើងស្គាល់ពីការលះបង់ ដើម្បីចូលរួមលើកកម្ពស់ការអភិវឌ្ឍសង្គម និងសុខុមាលភាពរបស់ប្រជាជនតាមរយៈបេសកកម្មរបស់យើង។ ភាពរីកចម្រើន និងការអភិវឌ្ឍ អាចត្រូវបានដឹងតាមរយៈការខំប្រឹងប្រែង និងការសហការរបស់និយោជិកទាំងអស់នៅក្នុងក្រុមហ៊ុន ។ នៅក្នុងស្មារតីជាធ្លុងមួយ យើងប្តេជ្ញាចិត្ដក្នុងការបំពេញកាតព្វកិច្ចសាជីវកម្ម ជាមួយការលះបង់ខ្ពស់ ការពុះពារព្យាយាម និងសុចរិតភាព ដោយគោរពតាមគោលការណ៍ 7 ចំណុចខាងក្រោម ដែលជាគោលការណ៍ចម្បងសម្រាប់សម្រេចបាននូវប្រតិបត្តិការបេសកកម្មរបស់យើងនៅក្នុងប្រទេសកម្ពុជា។

ការចូលរួមចំណែកដល់សង្គម
- យើងនឹងចូលរួមរាល់គ្រប់សកម្មភាពសង្គមស្របជាមួយនឹងគោលបំណងនៃការគ្រប់គ្រងមូលដ្ឋានគ្រឹះ និងមានទំនួលខុសត្រូវខ្ពស់ចំពោះសហគមន៍ដែលយើងកំពុងធ្វើប្រតិបត្តិការអជីវកម្ម។

ភាពយុត្តិធម៌និងភាពស្មោះត្រង់
- យើងនឹងធ្វើឲ្យប្រាកដថាយើងផ្ដល់ភាពយុត្តិធម៌ និងភាពស្មោះត្រង់ចំពោះការធ្វើជំនួញ និងប្រកាន់ខ្ជាប់ឥរិយាបទល្អ។ យើងទទួលស្គាល់ថា ទោះបីជាយើងមានទេពកោសល្យ សមត្ថភាព និងចំណេះដឹងខ្ពស់យ៉ាងណាក៏ដោយ បើគ្មានភាពស្មោះត្រង់នោះទេ យើងនឹងមិនអាចទទួលបានតម្លៃនៃការគោរពពីអ្នកដទៃនោះទេ។

កិច្ចសហប្រតិបត្តិការ និងស្មារតីក្រុម
- យើងនឹងប្រមូលផ្តុំបុគ្គលដែលមានទេពកោសល្យនិងសមត្ថភាពដើម្បីសម្រេចគោលដៅរួមរបស់ក្រុមហ៊ុន មិនថាយើងមានទេពកោសល្យ និងជំនាញយ៉ាងណា ប្រសិនបើបុគ្គលិកគ្មានការសហការ និងស្មារតីសាមគ្គីនោះទេ យើងនឹងមានតែឈ្មោះជាក្រុមហ៊ុនប៉ុណ្ណោះ។

ការខិតខំប្រឹងប្រែងដើម្បីភាពរីកចម្រើន
- យើងនឹងខិតខំឥតឈប់ឈរ ដើម្បីបង្កើនសមត្ថភាពក្នុងការចូលរួមចំណែកដល់សង្គមតាមរយៈបេសកកម្មអាជីវកម្មរបស់យើង។ តាមរយៈការខំប្រឹងប្រែងឥតឈប់ឈរនេះ យើងអាចសម្រេចបានគោបំណងនៃការគ្រប់គ្រងមូលដ្ឋានគ្រឹះរបស់យើង សន្តិភាព និងវិបុលភាពយូរអង្វែង។

សុជីវធម៌ និងការដាក់ខ្លួន
- យើងនឹងនៅតែប្រកាន់ខ្ជាប់នូវភាពរួសរាយ និងសីលធម៌ ក្នុងការប្រស្រ័យទាក់ទង ការគោរពសិទ្ធិ និងសេចក្តីត្រូវការរបស់អ្នកដទៃ ដើម្បីពង្រឹងទំនាក់ទំនងក្នុងសង្គមឲ្យកាន់តែល្អប្រសើរ និងលើកកម្ពស់គុណភាពជីវិតនៅក្នុងសហគមន៍របស់យើង។

ការសម្របខ្លួន
- យើងនឹងនូវបន្ដសម្របអាកប្បកិរិយា និងការគិតរបស់យើង ដើម្បីឆ្លើយតបនឹងការប្រែប្រួលស្ថានភាព ដែលមិនធ្លាប់មានពីមុន ហើយយើងនឹងយកចិត្តទុកដាក់ក្នុងការឆ្លើយតមតម្រូវការ ដើម្បីធានាបាននូវវឌ្ឍនភាព និងភាពជោគជ័យនៅក្នុងបេសកកម្មរបស់យើង។

ការដឹងគុណ
- យើងនឹងបង្ហាញពីការដឹងគុណចំពោះគុណប្រយោជន៍ទាំងអស់ ដែលយើងបានទទួល ដោយមានទំនុកចិត្ដថា ឥរិយាបថនេះនឹងក្លាយជាប្រភពនៃសេចក្ដីល្អ និងភាពរីកចម្រើន ដែលអាចជួយឲ្យយើងជំនះរាល់ឧបសគ្គទាំងឡាយ។

ទាំងនេះគឺជាមូលហេតុ ដែលយើងនឹងបន្តខំប្រឹងប្រែងធ្វើឲ្យ Panasonic ជួយឲ្យរបៀបរស់នៅប្រចាំថ្ងៃប្រសើរឡើង ជាមួយនឹងការប្ដេជ្ញាចិត្ដមោះមុត និងពង្រឹងសមត្ថភាពរបស់យើង ដើម្បីផ្តល់នូវទំនុកចិត្តដល់អតិថិជនរបស់យើងអស់ជាច្រើនឆ្នាំកន្លងមកនេះ។

ក្នុងនាមជាក្រុមហ៊ុនជំនួញសាធារណៈ នៅក្នុងសង្គម និងពិភពលោក យើងសន្យាថា យើងនឹងបន្តរួមចំណែកដល់ការអភិវឌ្ឍប្រកបដោយនិរន្តរភាពនាពេលអនាគត តាមរយៈបេសកកម្មរបស់យើងឆ្ពោះទៅរកចក្ខុវិស័យរួមតែមួយ ដែលយើងបានបង្កើតឡើង។

យើងប្ដេជ្ញាចិត្តខ្ពស់ជាមួយស្មារតីរបស់យើង ដើម្បីផ្តល់ឲ្យប្រទេសកម្ពុជាទទួលបាននូវ "ជីវិតរស់នៅកាន់តែប្រសើរ ពិភពលោកកាន់តែស្រស់ថ្លា" ហើយសង្ឃឹមថា អ្នកនឹងចូលរួមគាំទ្រពួកយើង ដើម្បីឆ្ពោះទៅរកភាពជោកជ័យសម្រេចបានចក្ខុវិស័យនេះ។

ខែមករា ឆ្នាំ 2020
លោក Yasunobu Matsumoto
នាយកប្រតិបត្តិ និងនាយកប្រចាំប្រទេស នៃក្រុមហ៊ុន Panasonic Cambodia

 

ការិយាល័យកណ្តាលប្រចាំតំបន់

ការិយាល័យកណ្តាលប្រចាំតំបន់

Panasonic Asia Pacific Pte Ltd.

មានមូលដ្ឋាននៅប្រទេសសិង្ហបុរី ក្រុមហ៊ុន Panasonic Asia Pacific ផ្តល់ជូននូវផលិតផល និងដំណោះស្រាយរបស់ម៉ាកជាច្រើនប្រភេទទូទាំងតំបន់អាស៊ីអាគ្នេយ៍ និងប៉ាស៊ីហ្វិក (APAC)។ តំបន់នេះមានទីតាំងផលិតចំនួន 46 កន្លែង ដែលជាមជ្ឈមណ្ឌលសំខាន់សម្រាប់សកម្មភាពផលិតកម្មជាសកលរបស់ក្រុមហ៊ុន Panasonic ដែលគាំទ្រដល់អតិថិជន ដំណោះស្រាយ និងគ្រឿងបន្លាស់ និងអាជីវកម្មឧបករណ៍។

ឈ្មោះក្រុមហ៊ុន

Panasonic Asia Pacific Pte Ltd.

ទីតាំងការិយាល័យ

202 Bedok South Avenue 1 #02-01, សិង្ហបុរី 469332

លេខទូរសព្ទ

+65-6299-8400

ទូរសារ

+65-6299-7600

នាយក​គ្រប់គ្រង

Takehiko Ryu

បង្កើត 

ខែមិថុនា ឆ្នាំ 1974

ក្រុមហ៊ុនប្រចាំតំបន់របស់ Panasonic នៅអាស៊ីប៉ាស៊ីហ្វិក

ស្វែងយល់បន្ថែមអំពីក្រុមហ៊ុនសារជីវកម្ម Panasonic Asia Pacific។

ការិយាល័យកណ្ដាល

រូបថតការិយាល័យកណ្ដាល Panasonic Corporation

Panasonic Corporation

ចាប់តាំងពីការបង្កើតក្រុមហ៊ុនរបស់យើងក្នុងឆ្នាំ 1918 មក ក្រុមហ៊ុន Panasonic យើងខ្ញុំបានបង្កើនគុណភាពនៃការរស់នៅកាន់តែប្រសើរ ដោយផ្ដោតជាសំខាន់ទៅលើ "ប្រជាជន" ពោលគឺផ្ដោតទៅលើ “ជីវិតរបស់ប្រជាជន” ។ ដូចគ្នាផងដែរសម្រាប់អនាគត យើងនឹងបន្តផ្ដល់នូវផលិតផល ប្រព័ន្ធ និងសេវាកម្មដ៏សម្បូរបែប ដែលរាប់តាំងពីផលិតផល អេឡិចត្រូនិចសម្រាប់ប្រើប្រាស់ក្នុងផ្ទះ រហូតដល់ឧបករណ៍ឧស្សាហកម្ម សម្ភារសំណង់ និងគេហដ្ឋាន ដោយផ្អែកលើបច្ចេកវិទ្យាអេឡិចត្រូនិចប្រកបដោយភាពច្នៃប្រឌិតរបស់យើង។ នៅក្នុងទីកន្លែង និងវិស័យផ្សេងៗដូចជា ផ្ទះ សហគមន៍ អាជីវកម្ម ការធ្វើដំណើរ និងរថយន្ត យើងនឹងបន្តខិតខំដើម្បីផ្ដល់នូវគុណតម្លៃថ្មីសម្រាប់ការរស់នៅកាន់តែប្រសើរ និងជួយឱ្យសម្រេចបាននូវ "ជីវិតប្រសើរជាងមុន ពិភពលោកកាន់តែប្រសើរ" សម្រាប់អតិថិជនគ្រប់រូប។

ឈ្មោះក្រុមហ៊ុន

Panasonic Corporation

ទីតាំងការិយាល័យកណ្ដាល

1006, Oaza Kadoma, Kadoma-shi, Osaka 571-8501, ប្រទេសជប៉ុន

លេខទូរសព្ទ

+81-6-6908-1121

នាយកប្រតិបត្តិ (CEO) 

បង្កើត 

ខែមីនា ឆ្នាំ 1918  
(ក្លាយជាសាជីវកម្មនៅខែធ្នូ ឆ្នាំ 1935)

ការលក់សុទ្ធ*

7,490.6 ពាន់លានយ៉េន 

ចំនួនបុគ្គលិក*

259,385

ចំនួនក្រុមហ៊ុនសរុប*

529
(រួមទាំងក្រុមហ៊ុនមេ) 

* ឆ្នាំសារពើពន្ធដែលបិទបញ្ចប់នៅខែមីនា ឆ្នាំ 2020

សារពី CEO របស់ក្រុមហ៊ុន Panasonic

រូបថត៖ លោក Yuki Kusumi ជា CEO ក្រុមហ៊ុន Panasonic Corporation

ការបង្កើតសង្គម និងរបៀបរស់នៅដ៏ល្អបំផុត 
ដោយផ្អែកលើទស្សនវិជ្ជាជាក់លាក់របស់យើង

ដូចការកំណត់នៅក្នុងគោលបំណងនៃការគ្រប់គ្រងមូលដ្ឋានគ្រឹះ ដែលបានប្រកាសដោយស្ថាបនិករបស់ក្រុមហ៊ុនលោក Konosuke Matsushita  ក្រុមហ៊ុន Panasonic Group បាននៅតែបន្ដការអនុវត្ដរបស់ខ្លួនជាសាធារណៈក្នុងការចូលរួមចំណែកដល់ការវិវឌ្ឍ និងការអភិវឌ្ឍសង្គម និងសុខុមាលភាពរបស់ប្រជាជននៅទូទាំងពិភពលោក តាមរយៈសកម្មភាពអាជីវកម្មយូរអង្វែងរបស់យើង។

មកដល់បច្ចុប្បន្ននេះ ទស្សនវិជ្ជានេះត្រូវបានទទួលយកនិងបញ្ជូលជាគោលការណ៍ដែលមិនប្រែប្រួលរបស់ក្រុមហ៊ុន Panasonic Group ទោះបីជាសង្គមបានវិវឌ្ឍទៅតាមពេលវេលាក៏ដោយ។ យើងនៅតែបន្ដខិតខំចូលរួមចំណែកក្នុងការអភិវឌ្ឍសង្គមបន្ថែមទៀត ដោយផ្តល់ជូននូវរបៀបរស់នៅដ៍ប្រសើរឡើង ប្រកបដោយភាពងាយស្រួល សុវត្ថិភាព និងផាសុកភាពនៅតំបន់ផ្សេងៗជុំវិញពិភពលោក។ ទស្សនវិជ្ជារបស់យើងនឹងមិនប្រែប្រួលឡើយ។

លើសពីនេះទៅទៀត តាមរយៈការលើកកម្ពស់ការគ្រប់គ្រងដោយស្វ័យភាពជាមួយនឹងការផ្លាស់ប្តូរទៅប្រព័ន្ធក្រុមហ៊ុនកាន់កាប់ ( Holding Company System)  យើងនឹងកំណត់នូវបញ្ហាសង្គម ដែលប្រភេទអាជីវកម្មនីមួយៗរបស់យើងជួបប្រទះ និងត្រូវតែដោះស្រាយ សម្រាប់ការប្រតិបត្តិការយ៉ាងល្អ និងពង្រឹងសមត្ថភាពរបស់យើងកាន់តែប្រសើរឡើងយ៉ាងឆាប់រហ័ស ដើម្បីបង្កើតគុណតម្លៃ។

យើងប្តេជ្ញាចូលរួមចំណែកបន្ថែមទៀត ក្នុងការបង្កើតសង្គម និងរបៀបរស់នៅដ៏ល្អបំផុត ព្រមទាំងដោះស្រាយបញ្ហាសង្គមនៅលើសកលលោក រួមទាំងការអភិរក្សបរិស្ថានពិភពលោកផងដែរ។ ហើយបញ្ហាប្រឈមទាំងអស់នេះ នឹងត្រូវបានដោះស្រាយតាមរយៈ ការផ្ដល់ជូនសេវាកម្ម និងផលិតផលដ៏ល្អឥតខ្ចោះដល់អតិថិជនពីក្រុមហ៊ុនរបស់យើង។

យើងទាំងអស់គ្នានឹងខិតខំធ្វើឱ្យក្រុមហ៊ុន Panasonic ក្លាយជាសាជីវកម្ម និងម៉ាកដ៏មានតម្លៃមួយ ដែលត្រូវបានសង្គមចាត់ទុកថាចាំបាច់ជានិច្ច។

យើងសូមអរគុណយ៉ាងជ្រាលជ្រៅចំពោះការគាំទ្ររបស់អ្នក សម្រាប់ការផ្លាស់ប្ដូរនៅពេលអនាគត។

Yuki.K

លោក Yuki Kusumi
CEO
Panasonic Corporation

ក្រុមហ៊ុន

ស្វែងយល់បន្ថែមអំពីក្រុមហ៊ុន Panasonic។