Panasonic သည် မြန်မာနိုင်ငံရှိ လူသားချင်းစာထောက်ထားမှုနှင့် အစိုးရမဟုတ်သော အဖွဲ့အစည်းများထံ ဆိုလာမီးအိမ်ပေါင်း 3,060 ခုကို လှူဒါန်းခဲ့ပြီးဖြစ်ကာ 5 နှစ်တာကာလအတွင်း အရေအတွက်အားဖြင့် 14,924 ခု ရှိပြီဖြစ်သည်
ရန်ကုန်၊ မြန်မာ၊ 2017 ခုနှစ်၊ စက်တင်ဘာလ 19 ရက် – Panasonic Corporation သည် လျှပ်စစ်မီး မရရှိသည့်နေရာများတွင် နေထိုင်သူများအတွက် ဆိုလာမီးအိမ်ပေါင်း 100,000 ခုကို ၎င်း၏ နှစ် 100 ပြည့်ဖြစ်သော 2018 ခုနှစ်မတိုင်ခင် လှူဒါန်းမည်ဟု ရည်ရွယ်ထားသည့် "100 Thousand Solar Lantern Project" (ဆိုလာ မီးအိမ်ပေါင်း တစ်သိန်း လှူဒါန်းရန် စီမံကိန်း) ကို လုပ်ဆောင်ရန် သံန္နိဌာန် ချထားပြီး ဖြစ်ပါသည်။ ယခုနှစ်သည် စီမံကိန်း၏ နောက်ဆုံးနှစ်ဖြစ်ပါသည်။ 2012 ခုနှစ် ပွဲဦးထွက်အချိန်မှစ၍ ယနေ့အချိန်အထိ ဆိုလာမီးအိမ်ပေါင်း 87,000 ခုကို နိုင်ငံပေါင်း 22 နိုင်ငံတွင် လှူဒါန်းပြီး ဖြစ်ပါသည်။
Panasonic မှ နောက်ဆုံးအကြိမ် လှူဒါန်းခဲ့မှုသည် Novotal Yangon Max တွင် အခမ်းအနားကျင်းပပြီး လူသားချင်းစာနာထောက်ထားမှုနှင့် အစိုးရမဟုတ်သော အဖွဲ့အစည်း 9 ခုထံ ဆိုလာမီးအိမ်ပေါင်း 3,060 ကို လှူဒါန်းခဲ့ခြင်းဖြစ်ပြီး အရှေ့တောင်အာရှနိုင်ငံများတွင် လှူဒါန်းမှု စုစုပေါင်း 14,924 သို့ ရောက်ရှိသွားပြီ ဖြစ်သည်။
အခမ်းအနားတွင် Panasonic Asia Pacific ၏ မြန်မာနိုင်ငံရုံးခွဲ ကိုယ်စားလှယ်ခေါင်းဆောင် Hisakazu Maeda က "1918 ခုနှစ်မှာ ကျွန်တော်တို့ စတင်တည်ထောင်ပြီးကတည်းက ပြည်သူ့ လူမှုအဖွဲ့အစည်းတစ်ရပ်အနေနဲ့ ကျွန်တော်တို့ရဲ့ လုပ်ငန်းဆောင်ရွက်ချက်တွေကနေတစ်ဆင့် လူ့အဖွဲ့အစည်းကို အားဖြည့်ကူညီသွားမယ်ဆိုတဲ့ စီမံခန့်ခွဲရေး ခံယူချက်တစ်ခုကို သတ်မှတ်ခဲ့ပြီး အဲ့ဒီအတိုင်းလည်း အတိအကျလုပ်ဆောင်ခဲ့ပါတယ်။ ကျွန်တော်တို့ဟာ ပညာရေး၊ ကျန်းမာရေးနဲ့ တခြားနယ်ပယ်တွေမှာ လုပ်နေတဲ့ လူသားချင်းစာနာထောက်ထားရေးနဲ့ အစိုးရမဟုတ်တဲ့ အဖွဲ့အစည်းတွေဆီ ဆိုလာမီးအိမ်တွေ လှူဒါန်းခြင်းဖြင့် ဒီလှုမှုရေးစိန်ခေါ်မှုတွေကို ကူညီဖြေရှင်းပေးပို့ ရည်ရွယ်ထားပါတယ်။ လျှပ်စစ်မီးမရရှိတဲ့ ရွာတစ်ရွာကို ကျွန်တော် သွားလည်ခွင့်ကြုံခဲ့ပါတယ်။ Panasonic ဆီက ဆိုလာမီးအိမ်ဟာ အဲ့ဒီရွာကလူတွေရဲ့ လူနေမှုဘဝအရည်အသွေးကို တိုးတက်စေဖို့ စီပွားရေးအရ တစ်ဖက်တစ်လမ်းက ကူညီပေးရာမှာ အရေးပါတဲ့ အခန်းကဏ္ဍမှာ ရှိနေလိမ့်မယ်လို့ ယုံကြည်မိပါတယ်။" ဒီဆိုလာမီးအိမ်တွေကို အသုံးပြုနိုင်အောင် ဘယ်လိုစီစဉ်ခဲ့သလဲဆိုတဲ့ အစီရင်ခံစာကောင်းတွေကို လှူဒါန်းမှုကို လက်ခံထားတဲ့ အဖွဲ့အစည်းတွေဆီကနေ ကြားရဖို့ စောင့်မျှော်နေပါ့မယ်။"
Panasonic သည် ဆိုလာမီးအိမ်ပေါင်း 100,000 လှူဒါန်းရန် စီမံကိန်းကို စတင်ဆောင်ရွက်ခြင်းဖြင့် ပညာရေး၊ ကျန်းမာရေးနှင့် ဆင်းရဲမွဲတေမှုတို့ကဲ့သို့ လူမှုရေးပြဿနာများကို ပိုမိုကောင်းမွန်အောင် လုပ်ဆောင်ခဲ့ပြီး ဖြစ်ပါသည်။ မြန်မာနိုင်ငံတွင် ဆိုလာမီးအိမ်များကြောင့် ကျောင်းသားများ အတန်းတင်စာမေးပွဲ ဖြေဆိုချိန် မတိုင်မီ နံနက် 6:00 မှ ည 9:00 အထိ သင်ခန်းစာများ လေ့လာနိုင်သည့်အတွက် မူလတန်းကျောင်းသားများသည် 100% အမှတ်ရရှိကြပြီး အလယ်တန်းကျောင်းသားအချို့သည် 94% ရရှိကြသည်ဖြစ်၍ ပညာရေးတွင် ထူးခြားသော အောင်မြင်မှုများ ရရှိနေကြပါသည်။
စာရေးခြင်း၊ စာဖတ်ခြင်း ပြုလုပ်နိုင်လောက်သည်အထိ ဆိုလာမီးအိမ်များသည် မီးအားကောင်းသည် (ခရက်တစ်- မိတ်ဆွေ မြန်မာ)
ခန့်မှန်းခြေအားဖြင့် ကမ္ဘာတစ်ဝှမ်းရှိ ပြည်သူပေါင်း 1.2 ဘီလီယံခန့်သည် လျှပ်စစ်မီးမရရှိဘဲ နေထိုင်နေရဆဲ ဖြစ်သည်။ Panasonic သည် ကမ္ဘာ့ကုလသမဂ္ဂ၏ ရေရှည်ဖွံ့ဖြိုးတိုးတက်ရေး ပန်းတိုင်များ (SDG များ) ကို ရောက်ရှိရန် လျှပ်စစ်မီး မရရှိသည့်ဒေသများတွင် နေထိုင်သော ပြည်သူများအတွက် လျှပ်စစ်မီး ပံ့ပိုးပေးပြီး အလင်းရောင်ကို ယူဆောင်လာပေးကာ "ပိုမိုကောင်းမွန်သည့်ဘဝ၊ ပိုမိုကောင်းမွန်သည့် ကမ္ဘာ" ကို ရရှိအောင် ဆက်လက်လုပ်ဆောင်ပေးမည် ဖြစ်ပါသည်။
[မြန်မာနိုင်ငံတွင် ဆိုလာမီးအိမ်များကို လက်ခံရရှိသည့် အဖွဲ့အစည်း 9 (အက္ခရာအစဉ်လိုက် စီထားသည်)]
- All Country Agency for Rural Development
- Association for Rengein Tanjoji International Cooperation
- Community Association for Rural Development
- Greater Mekong Initiative
- Language and Social Development Organization
- Likhy Social Development Committee
- Meikswe Myanmar
- Myanmar Red Cross Society
- PH-Japan (PH-People’s HOPE Japan)
*ဆိုလာမီးအိမ် ၁ သိန်း စီမံကိန်း
2012 ခုနှစ်တွင် မြန်မာနိုင်ငံ၌ ဆိုလာမီးအိမ်များကို ပထမဆုံးအကြိမ် လှူဒါန်းခဲ့ချိန်မှစ၍ 2017 ခုနှစ်၊ စက်တင်ဘာလအထိ အာရှနှင့် အာဖရိကရှိ ဖွံ့ဖြိုးဆဲနိုင်ငံပေါင်း 22 နိုင်ငံသို့ မီးအိမ်ပေါင်း 87,000 ခုကို လှူဒါန်းခဲ့ပြီး ဖြစ်ပါသည်။ ဤတောက်ပသော ဆိုလာမီးအိမ်များက ညအချိန်တွင် ဆေးကုသမှု၊ ပညာသင်ယူမှုနှင့် စီးပွားရေးများ လုပ်ဆောင်ရန် ကူညီပေးသည့်အတွက် ရေနံဆီမီးအိမ်များကြောင့် ဘေးအန္တရာယ်ဖြစ်မှုကို ရပ်တန့်စေနိုင်ရုံသာမက အိမ်ထောင်စုအတွက် ဝန်ထုပ်ဝန်ပိုးဖြစ်စေသော လောင်စာဆီကုန်ကျစရိတ်များကိုလည်း လျှော့ချပေးနိုင်ပါသည်။
- Panasonic ၏ ဆိုလာမီးအိမ် ၁ သိန်း စီမံကိန်း
http://panasonic.net/sustainability/en/lantern/
- တရားဝင် Facebook စာမျက်နှာ
https://www.facebook.com/PanasonicSolarLantern
- 2017 ခုနှစ်၊ စက်တင်ဘာလအထိ Panasonic မှ လှူဒါန်းခဲ့သော ဆိုလာမီးအိမ်များ (BG-BL03)
http://panasonic.net/sustainability/en/lantern/products.html
Panasonic အကြောင်းး
Panasonic Corporation သည် အိမ်သုံးလျှပ်စစ်ပစ္စည်းများ၊ အိမ်ယာများ၊ မော်တော်ယာဉ်သုံးပစ္စည်းများနှင့် B2B လုပ်ငန်းများရှိ ဖောက်သည်များအတွက် အမျိုးမျိုးသော အီလက်ထရောနစ်နည်းပညာများကို တီထွင်ပြီး ဖြေရှင်းနည်းများကို ဖော်ဆောင်ရာတွင် ကမ္ဘာတစ်ဝှမ်း၌ ဦးဆောင်သူတစ်ဦးဖြစ်ပါသည်။ ၎င်း၏ နှစ် 100 မြောက်အခမ်းအနားကို 2018 ခုနှစ်တွင် ကျင်းပမည်ဖြစ်ပြီး ကုမ္ပဏီသည် တစ်ကမ္ဘာလုံးအတိုင်းအတာဖြင့် ချဲ့ထွင်လာကာ ယခုအခါတွင် ကမ္ဘာတစ်ဝှမ်း၌ ကုမ္ပဏီခွဲပေါင်း 495 ခုနှင့် ချိတ်ဆက်လုပ်ကိုင်နေသော ကုမ္ပဏီပေါင်း 91 ခုတို့ဖြင့် ဆောင်ရွက်နေပြီဖြစ်သောကြောင့် 2017 ခုနှစ်၊ မတ်လ 31 ရက်နေ့အထိ စုစုပေါင်းအသားတင် ရောင်းရငွေ 7.343 ထရီလီယံရရှိခဲ့ပြီး ဖြစ်ပါသည်။ အမျိုးမျိုးသော နယ်ပယ်တွင် တီထွင်ဆန်းသစ်မှုများလုပ်ဆောင်ခြင်းဖြင့် စံနှုန်းအသစ်များ ရရှိအောင် သံန္နိဌာန်ချမှတ် လုပ်ဆောင်နေသော ကုမ္ပဏီသည် ၎င်း၏ သုံးစွဲသူဖောက်သည်များအတွက် ပိုမိုကောင်းမွန်သည့် ဘဝနှင့် ပိုမိုကောင်းမွန်သော ကမ္ဘာကြီးကို ဖန်တီးရန် ၎င်း၏ နည်းပညာများကို အသုံးပြုလျက်ရှိပါသည်။ Panasonic အကြောင်း ပိုမိုလေ့လာရန်- http://www.panasonic.com/global
Panasonic Asia Pacific အကြောင်း
Panasonic Asia Pacific သည် ကုန်အမှတ်တံဆိပ်၏ ထုတ်ကုန်ပစ္စည်းအမျိုးမျိုးနှင့် ဖြေရှင်းနည်းများစွာကို အရှေ့တောင်အာရှနှင့် သမုဒ္ဒရာဒေသ (APAC) တွင် ဖြန့်ဖြူးလျက်ရှိပြီး သြစတြေးလျ၊ ကမ္ဘောဒီးယား၊ အင်ဒိုနီးရှား၊ မလေးရှား၊ မြန်မာ၊ နယူးဇီလန်၊ ဖိလစ်ပိုင်၊ စင်္ကာပူ၊ ထိုင်းနှင့် ဗီယက်နမ်တွင် ရုံးပေါင်း 10 ခုကို ဖွင့်လှစ်ထားခြင်းအပါအဝင် နိုင်ငံပေါင်း 27 နိုင်ငံတွင် လုပ်ငန်းဆောင်ရွက်လျက် ရှိပါသည်။
စင်္ကာပူနိုင်ငံတွေ အခြေစိုက်ထားသော Panasonic Asia Pacific ၏ ဒေသဆိုင်ရာ ရုံးချုပ်များသည် အိမ်ယာများနှင့် ဆော့ဖ်ဝဲတီထွင်သည့် လုပ်ငန်းကဲ့သို့ Business to Business လုပ်ငန်းများတွင် ပိုမိုရင်းနှီးမြှုပ်နှံခြင်းအပြင် ခိုင်မာသည့် Business to Consumer အပိုင်းတွင်လည်း တိုးတက်အောင် ထိန်းသိမ်းခြင်းဖြင့် ပိုမိုကောင်းမွန်သည့်ဘဝ၊ ပိုမိုကောင်းမွန်သည့် ကမ္ဘာကြီးကို ဖန်တီးရန် အလေးပေး ဆောင်ရွက်လျက်ရှိပါသည်။ ဒေသတွင် ကုန်ပစ္စည်းထုတ်လုပ်သည့်နေရာပေါင်း 37 ခုရှိပြီး အိမ်ယာ၊ ဆော့ဖ်ဝဲတီထွင်မှုများ၊ စိုက်ပျိုးရေး၊ စွမ်းအင်ပြဿနာ ဖြေရှင်းနည်းများ၊ အသုံးအဆောင်ပစ္စည်းများ၊ အစိတ်အပိုင်းများနှင့် ကိရိယာများနှင့်သက်ဆိုင်သော ကဏ္ဍများတွင် Panasonic ၏ ကမ္ဘာအနှံ့ ထုတ်လုပ်မှုများကို ပံ့ပိုးပေးနေပါသည်။ နောက်ထပ်အချက်အလက်များကို သိရှိရန်- http://panasonicapac.mynewsdesk.com/
ခေါင်းစဉ်များ-
အိမ်ယာ၊ အဆောက်အအုံ
လုပ်ငန်းအဖွဲ့အစည်း
ပတ်ဝန်းကျင်၊ စွမ်းအင်
ပတ်ဝန်းကျင်ဆိုင်ရာ နည်းပညာ
ပြန်လည်တီထွင် အသုံးချခြင်း
အိမ်သုံး လျှပ်စစ်ပစ္စည်းများ
လုပ်ငန်းနယ်ပယ်၊ ထုတ်လုပ်မှု
ရေရှည်တည်တံ့ခိုင်မြဲမှု/CSR
