F-VXR50 ម៉ាស៊ីនបន្សុទ្ធខ្យល់

លក្ខណៈពិសេស

តើ nanoe™ ជាអ្វី?

nanoe™ គឺជាភាគល្អិតនៃអាស៊ីតខ្សោយ ដែលមានទំហំតូច (5 ទៅ 20nm) ហើយមានសារ ធាតុប្រតិកម្ម និងបន្ទុកអគ្គិសនី។

nanoe™ គឺជាកន្សោមស្រោបដោយទឹក ដែលសម្បូររ៉ាឌីកាល់ OH។
ប្រសិទ្ធភាពក្នុងការកម្ចាត់បាក់តេរី ^#1 អាស្រ័យលើចំនួនរ៉ាឌីកាល់ OH ^#2 ដែលបង្កើតឡើងក្នុងអត្រា 480 ពាន់លានក្នុងមួយវិនាទី។

#1 បាក់តេរី៖ ប្រសិទ្ធភាពនៅកន្លែងធ្វើតេស្តក្នុងរង្វង់ 25cu.m. ក្នុងរយៈពេល 4 ម៉ោង នៅកន្លែងធ្វើពិសោធន៌។(*¹)
វីរុស៖ ប្រសិទ្ធភាពក្នុងប្រអប់ធ្វើតេស្តក្នុងរង្វង់ 1cu.m. ក្នុងរយៈពេល 2 ម៉ោង នៅកន្លែងធ្វើពិសោធន៌។(*²)

#2 ផ្អែកលើវិធីសាស្ត្រធ្វើតេស្ត ESR ម៉ាស៊ីនបន្សុទ្ធខ្យល់បានដាក់ឱ្យប្រើប្រាស់នៅក្រោយខែកញ្ញា ឆ្នាំ 2011

(*¹) បន្ទប់ពិសោធន៍ [បាក់តេរីក្នុងខ្យល់]៖ មជ្ឈមណ្ឌលស្រាវជ្រាវវិទ្យាសាស្ត្របរិស្ថានគីតាសាតូ - វិធីសាស្ត្រធ្វើតេស្ត៖ ប៉ះជាមួយភាគល្អិតនៃទឹកដែលមានបន្ទុកអគ្គិសនីរយៈពេល 4 ម៉ោង ក្នុងបន្ទប់ធ្វើតេស្តទំហំ 25 cu.m. - លទ្ធផលធ្វើតេស្តគឺអាចកម្ចាត់បាន 99% - លេខរបាយការណ៍៖
(*²) បន្ទប់ពិសោធន៍ [វីរុសតោងជាប់]៖ មជ្ឈមណ្ឌលស្រាវជ្រាវវិទ្យាសាស្ត្របរិស្ថានគីតាសាតូ - វិធីសាស្ត្រធ្វើតេស្ត៖ ប៉ះជាមួយភាគល្អិតនៃទឹកដែលមានបន្ទុកអគ្គិសនីរយៈពេល 2 ម៉ោង ក្នុងទំហំ 1 cu.m. តាមវិធីសាស្ត្រ TCID50 (កម្រិតឆ្លងនៅពេលបណ្ដុះជាលិកា 5%)- លទ្ធផលធ្វើតេស្តគឺអាចរារាំងបាន 99.9% - លេខរបាយការណ៍៖ 24_0084_1

តើអ្វីទៅជារ៉ាឌីកាល់ OH?

លក្ខណៈធម្មជាតិនៃរ៉ាឌីកាល់ OH គឺចាប់អ៊ីដ្រូសែនចេញពីវីរុស បាក់តេរី ក្លិន និងសារធាតុបង្កអាលាក់ហ្ស៊ីផ្សេងៗ។ អាស្រ័យហេតុនេះ រ៉ាឌីកាល់ OH កាន់តែច្រើន អានុភាពប្រឆាំងនឹងវីរុសកាន់តែមានប្រសិទ្ធភាពខ្ពស់។

មានអាយុកាលវែង និងមានប្រភពពីទឹក

យូរជាងអាយុកាលរបស់អ៊ីយ៉ុងធម្មតា 6 ដង - nanoe™ យូរជាងអាយុកាលរបស់អ៊ីយ៉ុងធម្មតា 6 ដង និងមានសំណើមច្រើនជាងអ៊ីយ៉ុងអវិជ្ជមានប្រមាណ 1,000 ដង។ វាមានប្រភពមកពីសំណើមផ្ដុំគ្នានៅក្នុងខ្យល់។ មិនចាំបាច់ចាក់ទឹកបន្ថែមចូលទៅក្នុងគ្រឿងបរិក្ខារទេ។

ជ្រាបចូលសាច់ក្រណាត់សព្វល្អ

វិមាត្ររបស់ nanoe™ តូចជាងភាគល្អិតរបស់ចំហាយទឹកមួយភាគមួយពាន់លានដង ដែលអាចឱ្យវាជ្រាបចូលទៅក្នុងសាច់ក្រណាត់ រួចកម្ចាត់បាក់តេរី និងក្លិនបានយ៉ាងងាយស្រួល។ nanoe™ ព័ទ្ធជុំវិញ និងទប់ស្កាត់សារធាតុបង្កអាឡែកហ្ស៊ី (លម្អងធូលី សត្វល្អិតទំលើធូលី និងសត្វល្អិត ។ល។) សូម្បីតែភាគល្អិតរបស់ក្លិនដែលតោងជាប់សាច់ក្រណាត់ក៏អាចកម្ចាត់បានទាំងស្រុងផងដែរ។

អត្ថប្រយោជន៍របស់ nanoe™

ប្រឆាំងវីរុស/បាក់តេរី
អាចកម្ចាត់វីរុស (H1N1) និង (H5N1) បាន 99.9% និងបាក់តេរីបាន 99.9% (E.Coli 0157, MRSA)។

ការកម្ចាត់ក្លិន
កាត់បន្ថយក្លិន (ក្លិនថ្នាំជក់) បាន 90% បន្ទាប់ពី 30 នាទី

ផ្ដល់សំណើមដល់ស្បែក
ជួយផ្ដល់សំណើមដល់ស្បែកជាថ្មី។ nanoe™ តោងជាប់ជាតិប្រេងសេបូម ហើយបង្កើតបានជាភ្នាសនៅលើស្បែក ដើម្បីឱ្យស្បែកកាន់តែមានសំណើម ហើយសណ្ឋានកេរ៉ាទីនមានភាពប្រសើរជាងមុន ដែលធ្វើឱ្យស្បែកស្រស់ថ្លា និងមានសំណើម។

ប្រឆាំងសារ ធាតុអាឡែកហ្ស៊ី

ម៉ាស៊ីនបន្សុទ្ធខ្យល់ Panasonic ត្រូវបានបញ្ជាក់ថាមាន
សមត្ថភាពកាត់បន្ថយសារធាតុអាឡែកហ្ស៊ីមានប្រសិទ្ធភាព។
ការស្ទង់មតិមួយចំនួនបង្ហាញថា អត្រាអាឡែកហ្ស៊ីកំពុងកើន
ឡើងទូទាំងពិភពលោក មនុស្សប្រមាណ 30% កំពុងរងគ្រោះ
ដោយសារឥទ្ធិពលផ្សេងៗនៅក្នុងជីវិត។ ម៉ាស៊ីនបន្សុទ្ធខ្យល់
Panasonic បានទទួលការគាំទ្រពីមូលនិធិប្រឆាំងនឹងសារធាតុ
អាឡែកហ្ស៊ីនៃចក្រភពអង់គ្លេស ដែលទទួលស្គាល់ថាមាន
សមត្ថភាពកម្ចាត់សាធាតុអាឡែកហ្ស៊ីធ្វើឱ្យការរស់នៅមាន
ភាពប្រសើរឡើង។

តើអ្វីទៅជាសារធាតុអាឡែកហ្ស៊ី? តើអ្វីទៅជាអាឡែកហ្ស៊ី?

សារធាតុអាឡែកហ្ស៊ីគឺជាសារធាតុបង្កឱ្យមានប្រតិកម្មអាឡែកហ្ស៊ីនៅពេលស្រូបវាចូលក្នុងរាងកាយ។ សារធាតុបង្កអាឡែកហ្ស៊ីមានច្រើនប្រភេទ និងច្រើនសណ្ឋាន រាប់តាំងពីលម្អងធូលី រហូតដល់សត្វល្អិតតូចៗ និងអង្គែនៅក្នុងរោមសត្វចិញ្ចឹម។

អាឡែកហ្ស៊ីគឺជាប្រតិកម្មខ្លាំងជ្រុលនៃប្រព័ន្ធភាពស៊ាំរការពាររាងកាយរបស់យើងប្រឆាំងទៅនឹងសារធាតុអាឡែកហ្ស៊ីដូចជា អាឡែកហ្ស៊ីច្រមុះ ជំងឺហឺតរលាកទងសួតនិងស្បែកងាយឡើងកន្ទួលរមាស់។

អាឡែកហ្ស៊ីច្រមុះ
លម្អងធូលី សត្វល្អិតតូចៗ និងអង្គែនៅក្នុងរោមសត្វចិញ្ចឹមនៅក្នុងផ្ទះតោងជាប់ភ្នាសសើម បណ្ដាលឱ្យហៀរសំបោរ តឹងច្រមុះ កណ្ដាស់ ឈឺភ្នែក និងស្បែកក្រហម។

ជំងឺហឺតរលាកទងសួត
វាវិវឌ្ឍចេញពីអាឡែកហ្សីផ្សេងៗដែលបណ្ដាលមកពីសត្វល្អិត លម្អងធូលី និងធូលីក្នុងផ្ទះ ។ល។

ស្បែកងាយឡើងកន្ទួលនិងរមាស់
វាជាប្រតិកម្មស្បែកដែលបណ្ដាលឱ្យមានកន្ទួលរមាស់ កើតមានដោយសារការប្រែប្រួលមួយចំនួននៃរាងកាយ។

តម្រងសមាសធាតុ HEPA

រក្សាអនាម័យសម្រាប់ទីកន្លែងដោយកម្ចាត់ភាគល្អិត 0.3µm បានរហូតដល់ 99.97% (*⁴)។

តម្រងកម្ចាត់សារធាតុអាឡែកហ្ស៊ីខ្លាំងបំផុត
តម្រងកម្ចាត់សារធាតុបង្កអាលាក់ហ្ស៊ីខ្លាំងបំផុតអាចកម្ចាត់ប្រភេទអាឡែកហ្ស៊ីជាក់លាក់បានរហូតដល់ 99% ដោយប្រើម៉ូលេគុលប៉ូលីមែផេណូលីក (phenolic polymer) ព័ទ្ធជុំវិញ និងកម្ចាត់សារធាតុទាំងនោះ។ (*¹)

សេទីឈីនតែបៃតង
សេទីឈីនតែបៃតងអាចកម្ចាត់ប្រភេទវីរុសជាក់លាក់បានរហូតដល់ 99% ដោយប្រើសមាសធាតុសេទីឈីនព័ទ្ធជុំវិញវីរុសទាំងនោះ។ (*²)

អង់ស៊ីមប្រឆាំងបាក់តេរី
អង់ស៊ីមប្រឆាំងបាក់តេរីការពារមិនឱ្យពពួកផ្សិត និងបាក់តេរីបន្តពូជ ដើម្បីធានាបាននូវមជ្ឈដ្ឋានដែលមានអនាម័យ។ (*³)

(*¹) បន្ទប់ពិសោធន៍៖ វិទ្យាស្ថានស្រាវជ្រាវបច្ចេកទេសប្រចាំទីក្រុងអូសាកានៃប្រទេសជប៉ុន / វិធីសាស្ត្រធ្វើតេស្ត៖ វាស់កម្រិតកាត់បន្ថយសារធាតុអាឡែកហ្ស៊ីរបស់ចៃ ដោយប្រើតេស្តសម្រូបភ្ជាប់អង់ស៊ីម / វិធីសាស្ត្ររារាំង៖ ប៉ះជាមួយតម្រងកម្ចាត់សារធាតុអាឡែកហ្ស៊ីសីខ្លាំងបំផុត / វត្ថុធ្វើតេស្ត៖ តម្រងចាប់សារធាតុបង្កអាលាក់ហ្ស៊ី (ចៃ លម្អងធូលី) / លទ្ធផលធ្វើតេស្ត៖ អាចរារាំងបានយ៉ាងតិច 99% (របាយការណ៍លេខ 2127)
(*²) បន្ទប់ពិសោធន៍៖ មជ្ឈមណ្ឌលស្រាវជ្រាវវិទ្យាសាស្ត្របរិស្ថានគីតាសាតូ / វិធីសាស្ត្រធ្វើតេស្ត៖ អត្រារារាំងវីរុសដោយប្រើវិធីសាស្ត្រ “Plaque” / វិធីសាស្ត្ររារាំង៖ ប៉ះជាមួយសេទីឈីន / វត្ថុធ្វើតេស្ត៖ តម្រងចាប់យកវីរុស / លទ្ធផលធ្វើតេស្ត៖ រារាំងបានយ៉ាងតិច 99% (របាយការណ៍លេខ 15-0115)
(*³) បន្ទប់ពិសោធន៍៖ បន្ទប់ពិសោធន៍ស្រាវជ្រាវផ្នែកស្បៀងអាហារជប៉ុន / វិធីសាស្ត្រធ្វើតេស្ត៖ ការធ្វើតេស្តមុខងារប្រឆាំងពពួកផ្សិតរបស់តម្រង ដោយប្រើវិធីសាស្ត្រ “បំផ្លាញ” (របាយការណ៍លេខ 207060074-002)
(*⁴) សមត្ថភាពតម្រងក្នុងការកម្ចាត់ប៉ុណ្ណោះ។ សមត្ថភាពសម្រាប់ផ្ទះទាំងមូលនឹងខុសពីនេះ

ស្រូបខ្យល់ចូលពីខាងមុខតាមទិសដៅត្រង់

ចាប់ធូលីពី 0cm ដល់ 30cm នៅក្បែរកម្រាលឥដ្ឋ

ជាធម្មតា ប្រភេទសារធាតុពុលផ្សេងៗលេចវត្តមាននៅកន្លែងខុសៗគ្នា ចាប់ពីពិតាន រហូតដល់កម្រាលឥដ្ឋក្នុងបន្ទប់។ ដើម្បីដោះស្រាយបញ្ហានេះ មុខងារស្រូបពីខាងមុខតាមទិសដៅត្រង់បង្កើតចរន្ដរខ្យល់ខ្លាំង ដើម្បីចាប់ធូលីដែលមាននៅចន្លោះពី 0cm ដល់ 30cm ក្បែរកម្រាលឥដ្ឋ។

ឧបករណ៍ស្រូបធូលី / ចរន្ដខ្យល់សាយភាយបែប 3D

ជាធម្មតា ប្រភេទសារធាតុពុលផ្សេងៗលេចវត្តមាននៅទីតាំងខុសៗគ្នា ចាប់ពីពិតាន រហូតដល់កម្រាលឥដ្ឋក្នុងបន្ទប់។ ដើម្បីដោះស្រាយបញ្ហានេះ ចរន្ដខ្យល់សាយភាយបែប 3D បែងចែកជាពីរមុខងារគឺ "ចរន្ដរខ្យល់បាញ់ទៅចំហៀង" និង "ចរន្ដខ្យល់បាញ់ទៅត្រង់" ដើម្បីកម្ចាត់សារធាតុពុលទៅតាមស្ថានភាព។

Econavi មុខងារប្រតិបត្តិការសន្សំសំចៃដំណើរការនៅពេលចាំបាច់ប៉ុណ្ណោះ

ស្វែងយល់ពីរបៀបរស់នៅជីវិតរបស់អ្នក

ធ្វើប្រតិបត្តិការដោយស្វ័យប្រវត្តិ និងប្រកបដោយប្រសិទ្ធភាព មុនពេលសារធាតុបង្កការបំពុលសាយភាយ។ មុខងារ ECONAVI ដំណើរការជាមួយម៉ាស៊ីនបន្សុទ្ធខ្យល់របស់អ្នកប្រកបដោយភាពឆ្លាតវៃ ដើម្បីស្វែងយល់ពីទម្លាប់រស់នៅប្រចាំថ្ងៃរបស់អ្នក និងសម្អាតសារធាតុបង្កការបំពុលដោយស្វ័យប្រវត្តិ មុនពេលសារធាតុទាំងនោះសាយភាយទៅទៀត។ ហេតុនេះ វាអាចកាត់បន្ថយលំហូរខ្យល់មិនចាំបាច់មកកម្រិតទាបបំផុត ហើយអ្នកអាចរីករាយជាមួយការសន្សំសំចៃថាមពលកាន់តែច្រើន។