មាន់អាំងញាំបន្លែបែបវៀតណាម

មាន់អាំងញាំបន្លែបែបវៀតណាម

វិធីធ្វើម្ហូបងាយៗដើម្បីទទួលបានរសជាតិឈ្ងុយឆ្ងាញ់

មាន់អាំងញាំបន្លែបែបវៀតណាម
រយៈពេលចម្អិនសម្រាប់៖ មនុស្ស 4 ទៅ 6 នាក់ទទួលទាន រយៈពេលរៀបចំ៖ 30 នាទី រយៈពេលចម្អិន៖ 30 នាទីកម្រិត:បង្គួរ

គ្រឿងផ្សំ

មាន់អាំង

  • អង្ករដំណើប 2 ស្លាបព្រាបាយ
  • សាច់មាន់ចិញ្ច្រាំហើយ 400 ក្រាម
  • ខ្លាញ់មាន់ 140 ក្រាម
  • ម្សៅម្ទេស ½ ស្លាបព្រាបាយ
  • ខ្ទឹមស ចិញ្ច្រាំហើយ 1 ស្លាបព្រាបាយ
  • ស្ករស 1 ស្លាបព្រាបាយ
  • ម្សៅមី 1 ស្លាបព្រាបាយ
  • ម្សៅប៉ាប៊្រីកា ½ ស្លាបព្រាបាយ
  • អំបិល (ដាក់តាមចំណូលចិត្ត)
  • ទឹកកក 1 ចានគោម
  • ប្រេងឆា 3 ស្លាបព្រាបាយ

ទឹកជ្រលក់ញាំបន្លែ

  • ស្ករស 2 ស្លាបព្រាបាយ
  • ទឹក ½ ពែង
  • ទឹកក្រូចឆ្មា 3 ស្លាបព្រាបាយ
  • ទឹកត្រី 2 ½ ស្លាបព្រាបាយ
  • ខ្ទឹមស ចិញ្ច្រាំហើយ 1 ដុំ
  • ម្ទេស ហាន់ហើយ 2

បន្លែសម្រាប់ញាំ

  • នំបញ្ចុក ឬនំបញ្ចុកវៀតណាម
  • ត្រសក់ជប៉ុនឈូសហើយ 1 ផ្លែ
  • ការ៉ុតឈូសល្អិតៗ 1 ផ្លែ
  • សាលាដ ឬសាលាដរ៉ូមែនតូចៗ ½ ដុំ
  • ស្ពៃក្ដោបពណ៌ស្វាយ ឈូសហើយ ¼ ផ្លែ
  • ខ្ទឹមក្រហម ហាន់ហើយ 1មើម
  • ប៉េងប៉ោះ ចិតចំណិតៗហើយ 1 ផ្លែ
  • ជីរវ៉ាន់ស៊ុយសម្រាប់តុបតែងលម្អ 2-3 សន្លឹក
  • សណ្ដែកដីសម្រាប់រោយពីលើ ⅓ ពែង
  • ជីនាងវងសម្រាប់តុបតែង 2-3 សន្លឹក
  • ជីរអង្កាមសម្រាប់តុបតែងលម្អ

របៀបធ្វើ

ជំហាន 1

សូមលីងអង្ករដំណើប រហូតចេញពណ៌ក្រហមល្មមនៅក្នុងខ្ទះដែលមានកម្ដៅទាប រួចទុកដោយឡែកឱ្យត្រជាក់។ នៅពេលវាត្រជាក់ទាំងស្រុង សូមកិនជាម្សៅ រួចទុកដោយឡែក។

ជំហាន 2

បន្ទាប់មក ច្របល់សាច់មាន់ ខ្លាញ់មាន់ ម្សៅម្ទេស ខ្ទឹមស ស្ករស ម្សៅមី ម្សៅប៉ាប៊្រីកា អំបិល និងទឹកកកជាមួយគ្នា។ បន្ថែមម្សៅអង្ករដំណើបដែលបានកិនហើយ រួចច្របល់ម្ដងទៀតឱ្យចូលគ្នា។ ផ្ទេរសាច់ដែលបានច្របល់គ្នាហើយទៅក្នុងចានគោម រួចទុកក្នុងទូទឹកកកពីរបីម៉ោង ដើម្បីឱ្យចូលជាតិគ្នា។

ជំហាន 3

ដើម្បីធ្វើសាថេ សូមដោតសាច់ជាមួយចង្កាក់។ ប្រើដៃរបស់អ្នកដោតសាច់ជារាងទ្រវែង។ អនុវត្តតាមជំហានដូចគ្នានេះ ដោតរហូតដល់អស់សាច់។

ជំហាន 4

កម្ដៅប្រេងបន្តិចនៅក្នុងខ្ទះ រួចឆាត្រឡប់សាច់ រហូតដល់រឹង។

ជំហាន 5

ផ្ទេរសាច់ចង្កាក់សាថេទៅថាសមួយ ដោយទុកចន្លោះរវាងសាច់នោះ កុំឱ្យសាច់ស្អិតជាប់គ្នា បន្ទាប់ពីចម្អិនហើយ។ អាំងសាច់នៅក្នុងមីក្រូវ៉េវរយៈពេល 8 នាទីដោយប្រើមុខងារ “Crispy Grill”។ អ្នកក៏អាចអាំងបែប BBQ ឬឆាសាច់ចង្កាក់សាថេ រហូតដល់ឆ្អិនបានផងដែរ។

ជំហាន 6

ដាំទឹកឱ្យពុះស្រុះនំបញ្ចុករយៈពេល 2 ទៅ 3 នាទី រហូតដល់ឆ្អិន រួចដាក់ឱ្យស្រស់ទឹកទុកដោយឡែក។

ជំហាន 7

បន្ទាប់មកហាន់បន្លែត្រសក់ ការ៉ុត សាលាដ និងស្ពៃក្ដោបពណ៌ស្វាយឱ្យតូចៗ ប៉េងប៉ោះ និងហាន់ខ្ទឹមក្រហមទុកដាក់ដាច់ដោយឡែកពីគ្នា។

ជំហាន 8

ដើម្បីធ្វើទឹកជ្រលក់ញាំបន្លែ សូមកូរស្ករស ទឹក និងទឹកក្រូចឆ្មាជាមួយគ្នានៅក្នុងចានគោម រហូតដល់រលាយចូលគ្នា។ បន្ថែមទឹកត្រី ខ្ទឹមស និងម្ទេសដែលបានហាន់ហើយ រួចច្របល់ឱ្យសព្វល្អ ទុកដោយឡែក។

ជំហាន 9

ដើម្បីរៀបចំ​ញាំបន្លែ សូមដួសនំបញ្ចុកមួយចំនួនដាក់នៅចំកណ្ដាលចាន រួចរៀបត្រសក់ ការ៉ុត ជីរវ៉ាន់សុយ សាលាដ ស្ពៃក្ដោបពណ៌ស្វាយ ប៉េងប៉ោះ ខ្ទឹមបារាំង និងសាថេនៅសងខាង។ តុបតែងដោយប្រើសណ្ដែកដី ជីរនាងវង និងស្លឹកជីរអង្កាម។

ជំហាន 10

ចាក់ទឹកជ្រលក់ញាំបន្លែទៅលើញាំបន្លែជាការស្រេច ដើម្បីទទួលទាន!

ចែករំលែកគេហទំព័រនេះ

រូបមន្តធ្វើម្ហូបជាច្រើនទៀត